【中女約炮的成因】同齡嘅朋友被求婚、訂婚、結婚,不如我調轉來玩,去約炮

 

 

我係嗰啲做任何事之前都會問自己點解要咁做,即使唔使同其他人解釋,我覺得我自己都要好清楚我做每一件事嘅原因。以下我所講嘅嘢唔係為咗要得到大家嘅理解或者認同,而係為咗向自己闡述做所有事情嘅原因,要表明我係清楚理解自己嘅所作所為,並且會為自己所有嘅行為負責任。

大概一年前因為生活苦悶所以開咗交友Apps黎玩,開頭都係齋吹水,之後有啲啱傾嘅都會約出嚟行街睇戲食飯,真係約炮其實係呢幾個月嘅事。

至於點解會約炮……其實作為一個廿到抿嘅中女,日日打開FB同IG,就係見到同齡嘅朋友被求婚、訂婚、結婚(當然都有人離婚,不過通常都無post)、生B、湊B,但我自己就無拖拍兼Dry左幾年。每次我見到人哋曬幸福嘅post,我都會心諗點解人哋做緊呢啲嘢,而我究竟喺度做緊乜撚嘢?!我唔係嗰啲鬥心好強嘅人,相反我係嗰D見到人人都咁努力,反而會自暴自棄嘅人。即係賽跑比賽個個都出盡九牛二虎之力去跑想跑贏爭冠軍,而我就會雞聲一響匿喺樹底度打返個邊爐,因為點努力都唔會夠其他人黎,反正又一定要有人包尾,我又唔太介意,所以不如倒轉黎玩。

當人人追求緊成功積極嘅人生嘅時候,其實我係追求緊失敗消極嘅人生。人人話上到山頂會睇到不一樣嘅風景,我覺得跌落谷底都會有喺高處睇唔到嘅風景,我係好驚陽光鍾意黑媽媽,你吹咩?我要同個世界講唔係成功同幸福離棄我,而係我唔選擇去成功同幸福呀!所以咩幸福美滿嘅家庭,真係即刻黑人擰歪面耍手擰頭;交友app約炮食仔,就當然黑人露齒笑加手指公啦!(meme同好會明)

我記得有一個星期我知道有兩個同齡嘅朋友將會喺嚟緊幾個月結婚,戥佢哋開心之餘,其實嗰個星期我自己最開心嘅事,就係同左一個貌似韓仔嘅靚仔扑野(利申唔鍾意韓仔,但貌似韓仔嘅港仔K!)。同到靚仔扑野我係真心開心嘅,你都唔知我之前食咗幾多粗茶淡飯,先捱到有一餐好嘅!但喺人人邁向幸福嘅時候,我自己只能夠為左呢樣野而感得開心,我覺得有啲可笑,又有啲可悲。其實講咁耐都係自己呃自己啫。你估個個都約炮真係個個都想約炮咩!

時候唔早,寫住咁多先,後續。

 

 

作者:萬忽瑪利亞

萬忽瑪利亞
搵個人去愛太難,搵個人做愛易D。

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 188707
Date: 2018-12-27 23:04:37
Generated at: 2020-09-28 16:57:54
Permalink: https://www.vjmedia.com.hk/articles/2018/12/27/188707/【中女約炮的成因】同齡嘅朋友被求婚、訂婚、結