【外賣仔日記】「安全理由」大過天，唔好意思唐樓行樓梯深夜無燈真係唔送

之前接到一張單，張單係送去XX街16號，咁成條街都係得唐樓，未去到個客幢大廈到都已經知會送唐樓架啦。嗰陣時係夜晚嚟。

咁我去到XX街到，當我見到14號門牌之後，行過少少已經見到18號門牌，咁我即係行過咗啦，我就諗住行返轉頭啦，點知當我行返轉頭嗰陣我見返14號門牌，我完全搵唔到16號度門，我就打俾個客問…

嘟～嘟嘟

客：「喂～？」
我：「你好呀，想問下你幢大廈嘅門口響邊呀？我搵唔到喔～」
客：「哦～ 我哋幢大廈門口響14同埋18號中間個條巷入面呀！」

嗰陣我望一望，咦～！真係有條巷喎，不過入面黑到伸手不見五指喎，重要係夜晚，完全係好恐怖呀。

當時我再三咁問點話入面嗰客真係可以安全進入大廈？
佢堅持話係…

我問咗嗰客幾次佢可唔可以落樓攞，但係佢堅持要我上樓送俾佢。
當我諗住鼓起勇氣拎住電話個電筒行去大廈入口嗰陣，我發現，連樓梯都係無燈嘅！

痴線，叫我點上樓呀，完全係唔安全喎！

之後我再Call 返個客，同佢講返安全問題，要求佢落樓攞外賣。

嘟～嘟嘟

客：「喂～？」
我：「你好呀，我嚟送外賣架，但係你樓下好唔安全，我上唔到嚟喎！」
客：「但係你有責任送上嚟喎！」

我心諗，你都痴撚線嘅！

我同嗰客講…
我：「而家我以安全理由拒絕繼續送遞行程。咁你等等先啦，我再問問公司應該點處理！」

然後個客就話：「咁得啦，你放低個外賣響樓梯口，我自己落嚟攞啦」

你都痴線嘅，咁黑嘅路你要我行上嚟，基於安全至上嘅原則，我幾大都唔會同你癲呀～！

專題：【外賣仔日記】

作者：外賣仔

閱讀後覺得好，請多多讚好及分享～：）