如果你覺得你嘅人生無目標,不如試下溝女?

 

好多天生樂觀,充滿幹勁嘅人,成日都會話「人生要有目標,咁先有意義架嘛。」但係對於一個生於香港呢個咁絕望嘅都市嘅成年人嚟講,要搵個實現得到,又唔會太任性嘅目標,又談何容易?事實上,自己大學畢業之後,身邊好多朋友,甚至乎我自己,都會問一個問題。

 

「其實做咗呢20幾年人,究竟係為咗啲咩呢?」

 

人生頭二十年,人生嘅所謂目標,多數都唔係自己訂嘅,讀完書,考試,學野,目標多數都係呀爸呀媽訂嘅,又有可能係社會定嘅。但可幸嘅係,果陣嘅我地,亦都未至於要諗人生嘅意義,每日做完功課有得玩,有得打波,已經十分之滿足。但係隨住人越大,對人生嘅主導權就越黎越大,想做嘅野亦都越嚟越多。但係香港人就好似The Sims 入面啲角色咁,要做啲咩,之後點行,就好似整定嘅咁,根本就不由自主,咁仲講啲咩「自己嘅目標」?

但係人就生咗出嚟,再點樣唔想面對,都無辦法唔去面對。而一路怨自己,一路士氣低沉,亦都真係唔係路,咁又有得點?我嘅建議係:

 

「搵個合眼緣嘅女仔,然後Approach 佢」*#

 

可能有人問呢樣野究竟係點Work,咁比你倒返轉咁諗下,你想Approach 一個女仔果陣,你會做啲咩?

「你會努力咁執靚自己,務求比個好印象人。」

「你會好努力咁搵興趣,搵話題,個腦不停咁運轉,務求唔好悶親人。」

「你會認真咁做每一件事,即使唔係認叻,都可以話比人聽,你係有能力嘅。」

基本上,無論你做緊啲咩,你都會將佢嘅諗法當成係一個思考嘅因素,就好似保險經紀咁,你唔會將自己負面嘅一面拎出嚟Sell 客。正因為你有目標,你做嘅野一定會係向一個正面嘅心態出發。無成本,有更好嘅心態面對人生,何樂而不為?

咁有人可能會話,溝唔到,點算?

首先,呢個世界係無一個目標係一定達成到嘅。年中有幾多人生意失敗?有幾多人失望沮喪?人生從來都係一場冒險,你唔夠膽輸,你就唔會有資格贏。

其次,無論呢場冒險嘅結果係點,你都會有所經歷,有所得著,人生入面有好多野同識女仔嘅原理其實係一樣,呢啲經歷化成經歷,化成體會,先係最重要。我唔係話你唔需要著重結果,畢竟如果你唔著重結果,係唔會有真正嘅體驗,但即使成件事最後失敗,你嘗試過執靚仔自己,知去邊度買衫,你嘗試過令自己Presentation Skills 好啲,吸引女仔,待人接物好咗。係過程入面嘅得著,可能仲珍貴。

 

*我當然唔係話要為左搵個目標,走去玩弄感情或者點。做呢樣野嘅前提,就係你遇到一個你合眼緣嘅女仔,先至可以進行。所以呢件事唔係叫你自己為咗個目標自製戀情,而係叫你如果有心儀嘅人,放膽去追。為咗滿足自己玩鳩人,因住比雷劈。

#至於有另一半嘅人可以點?唔好懶,試下做返追緊佢果陣嘅自己,女友會開心之餘,你自己都一定有得著,Win-Win。

 

呀Btw,作者嘅人生都無咩目標,而下面有個Page 嘅Link 可以PM作者喎….

 

 

作者:麥精維他奶

麥精維他奶

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 188796
Date: 2018-12-31 10:25:19
Generated at: 2019-09-24 02:49:06
Permalink: https://www.vjmedia.com.hk/articles/2018/12/31/188796/如果你覺得你嘅人生無目標,不如試下溝女?