人生頭二十年，人生嘅所謂目標，多數都唔係自己訂嘅，讀完書，考試，學野，目標多數都係呀爸呀媽訂嘅，又有可能係社會定嘅。但可幸嘅係，果陣嘅我地，亦都未至於要諗人生嘅意義，每日做完功課有得玩，有得打波，已經十分之滿足。但係隨住人越大，對人生嘅主導權就越黎越大，想做嘅野亦都越嚟越多。但係香港人就好似The Sims 入面啲角色咁，要做啲咩，之後點行，就好似整定嘅咁，根本就不由自主，咁仲講啲咩「自己嘅目標」？