【為母之道】唔係每日做愛就有仔生㗎!咪傻啦!

 

 

女人大肚懷胎10個月,聽上來好似好耐,但原來當你生咗個仔出來嘅時候,回想番,原來啲時間真係眨下眼就過(無錯,我又距離死亡接近咗1分鐘啦)。結婚幾個月就有咗BB,搞到身邊有唔少好恨生小朋友嘅姊妹們都問我懷孕心得,聽得最多都係以下問題:

「點解你可以咁快有咗?係咪要日日搞?!」

「你有無食到啲咩?睇邊個醫生調理?」

「受精果下有咩Feel?」

「點解你會無啦啦走去驗孕?有咩感覺出現咗?」

「有無咩pose易中啲?」

 

日日搞?

Hey Come On! 講咗10萬幾次,想生BB係唔可以日日都做愛㗎!你唔累,你隔離個隊友都會比你Chur到精盡人亡啦!

想生小朋友千祈唔好日日搞,比時間啲精子回復最佳狀態~男人D精精一般於女性體內生存到3-5日,來經後第7-9日係排卵高峰期,所以最好就係於來經後3-4日(排卵期)開始,每隔1-2日性愛一~

不過我個人認為除咗射精要撞中排卵日之外,男女雙方同時有高潮都好!重!要!

拿~我就唔知你哋有無真係試過真性高潮,於性高潮時,全身肌肉(包括陰道肌肉)都會一齊收縮,可以將大丁丁包得更實,正所謂愈實就愈入(well~都係男人嘅獸性心態),加上每0.8秒一次收縮一次,係果10幾秒之間,若然雙方可以同時高潮,咪可以將啲精精有咁入射咁入,就算今次又唔中,享受下個高潮都好呀!

 

有無食到啲咩,有無調理?

Sorry 我每日調理老味仲多過調理自己,果排仲有好多酒局飯局,仲要OT開夜車樣樣做齊,其實真係唔使比咁大壓力自己,想調咪調囉,但唔好諗住調完一定有,調理,最大目的都係為自己身體健康著想。

 

受精果下有咩Feel?

我當時聽到呢條問題真係O哂咀,到底問呢條問題果個人個腦裝咩㗎呢?hm….. 其實係咪想問我射精果下有咩Feel 呢?可惜射精咩 Feel我都答唔到,不過你問我用咩Pose可以R到爽啲都仲勉強答到啲,但問我受精果下係咩feel… 我等呀仔大啲問問佢 Feel 唔 Feel 到。。。Very Sor9!

 

點解無啦啦走去驗孕?

好問題,查實都係第6感作怪~話說於上年年頭有飯局,有飯點可以無酒?但果晚好奇怪,居然滴酒都唔想沾,仲好鬼眼訓,成晚個胃都頂住頂住咁~翌日咪屎忽癢去萬零用幾條嘢買枝活色生香走入商場廁所Check Check…. 點知… 就中咗。

Well~查實每個人對懷孕嘅感覺都好唔同,有人會胃痛,有人會長期好眼訓,更有聽過有啲人有咗成8個月自己都唔知有咁BB(我都唔知點解可以咁),不過我信BB 同 媽媽係可以做到心有靈犀嘅感應,BB會透過佢想表達嘅方式,去話比媽媽知佢嘅存在,係㗎~係好Sweet又好Warm 㗎~

 

至於有咩POSE易中啲?我個人認為係有嘅,不過又係長文一篇,下期話你知 <3

 

 

作者:SaSa 戀咁Share

SaSa 戀咁Share
現職某雜誌編輯 & 🐻媽媽🤱🏻 處女座完美主義者,趁仲尚在人世,用唯一小小嘅長處發掘更多世界美好一面👫 https://www.facebook.com/sasalovetoshare/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 188881
Date: 2019-01-03 23:05:40
Generated at: 2019-06-26 00:38:27
Permalink: https://www.vjmedia.com.hk/articles/2019/01/03/188881/【為母之道】唔係每日做愛就有仔生㗎!咪傻啦!