女人大肚懷胎10個月，聽上來好似好耐，但原來當你生咗個仔出來嘅時候，回想番，原來啲時間真係眨下眼就過（無錯，我又距離死亡接近咗1分鐘啦）。結婚幾個月就有咗BB，搞到身邊有唔少好恨生小朋友嘅姊妹們都問我懷孕心得，聽得最多都係以下問題：
「點解你可以咁快有咗？係咪要日日搞？！」
「你有無食到啲咩？睇邊個醫生調理？」
「受精果下有咩Feel？」
「點解你會無啦啦走去驗孕？有咩感覺出現咗？」
「有無咩pose易中啲？」
Hey Come On! 講咗10萬幾次，想生BB係唔可以日日都做愛㗎！你唔累，你隔離個隊友都會比你Chur到精盡人亡啦！
想生小朋友千祈唔好日日搞，比時間啲精子回復最佳狀態～男人D精精一般於女性體內生存到3-5日，來經後第7-9日係排卵高峰期，所以最好就係於來經後3-4日（排卵期）開始，每隔1-2日性愛一～
不過我個人認為除咗射精要撞中排卵日之外，男女雙方同時有高潮都好！重！要！
拿～我就唔知你哋有無真係試過真性高潮，於性高潮時，全身肌肉（包括陰道肌肉）都會一齊收縮，可以將大丁丁包得更實，正所謂愈實就愈入（well～都係男人嘅獸性心態），加上每0.8秒一次收縮一次，係果10幾秒之間，若然雙方可以同時高潮，咪可以將啲精精有咁入射咁入，就算今次又唔中，享受下個高潮都好呀！
Sorry 我每日調理老味仲多過調理自己，果排仲有好多酒局飯局，仲要OT開夜車樣樣做齊，其實真係唔使比咁大壓力自己，想調咪調囉，但唔好諗住調完一定有，調理，最大目的都係為自己身體健康著想。
我當時聽到呢條問題真係O哂咀，到底問呢條問題果個人個腦裝咩㗎呢？hm….. 其實係咪想問我射精果下有咩Feel 呢？可惜射精咩 Feel我都答唔到，不過你問我用咩Pose可以R到爽啲都仲勉強答到啲，但問我受精果下係咩feel… 我等呀仔大啲問問佢 Feel 唔 Feel 到。。。Very Sor9!
好問題，查實都係第6感作怪～話說於上年年頭有飯局，有飯點可以無酒？但果晚好奇怪，居然滴酒都唔想沾，仲好鬼眼訓，成晚個胃都頂住頂住咁～翌日咪屎忽癢去萬零用幾條嘢買枝活色生香走入商場廁所Check Check…. 點知… 就中咗。
Well～查實每個人對懷孕嘅感覺都好唔同，有人會胃痛，有人會長期好眼訓，更有聽過有啲人有咗成8個月自己都唔知有咁BB（我都唔知點解可以咁），不過我信BB 同 媽媽係可以做到心有靈犀嘅感應，BB會透過佢想表達嘅方式，去話比媽媽知佢嘅存在，係㗎～係好Sweet又好Warm 㗎～
至於有咩POSE易中啲？我個人認為係有嘅，不過又係長文一篇，下期話你知 <3
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月3日
