一打開今年金像片目本野，發現有好多套戲未睇過，直頭連聽都未聽過，見到有套叫《青春戰記2》嘅片，就好奇搵黎睇下trailer，先唔講FFx 個Shirley 唱得有幾難聽，首曲編得有幾垃圾都好意思入紙放入金像。
宜家我淨係想問阿導演一句，其實你知唔知醜呀，你D shot 出界，D燈灰到我以為你支鏡受潮我個mon 壞，啊，你夜戲D燈又變返正常（雖然都係世界光）。點解淨係睇tralier D shot 都可以睇到我有強逼症，點解個topshot D人會去哂最左，想問下呢個鏡頭背後語言係咩呀？
仲有點解一場two shot 既戲，你可以縱軸線都錯埋，套返有日好撚串嘅攝影哥仔係現場問一句「知唔知咩叫縱軸線呀？」
垃圾都有分好多層次，人地爛船都有三斤釘，最多都係劇本爛演得衰拍到1999，但你呢個係錯撚哂呀大佬，你叫放前你幾頁既《無雙》情何以堪呀？
大佬呀，呢D咁既野都有人可以夠膽入紙放入金獎，除左話你鐘意獻世之外，我無野好講喇。我呢D妹妹仔，唔識教你點好D，最多建議你入TVB做返幾年PA，打好個底再出黎喇。
你咁都可以拍到套戲，我都預左你無咩花巧野，心機野既劇本同對白，但你場兄弟訣裂既戲都唔好一句打撚完話「我同你無兄弟做呀」就走左去呀大佬，畀少少設計我好無？
一場邊行邊傾計戲，點解個shot 要拉係左邊，又推到千萬丈遠呀，你想點呀，你知唔知咩叫電影呀？你又知唔知你做緊乜呀大佬。
人到中年想實現夢想係好事，但唔係拎D YouTuber 既質素，讀個course，拎到funding 拍就叫成事，唔該都尊重下自己，真係拎得出手先畀人睇喇。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月9日
