Mike 有一個宗旨，就係無論幾夜，幾遠都一定會送我返屋企，拍拖幾年嚟只係有一次無送，對女性朋友嚟講，呢個可以話係一個奇蹟，因為而家好少男人會堅持每次都送女友返屋企，大佬搭車唔使錢咩，如果住得遠，一來一回仲嘥好多時間，而且出完街通常都夜，攰到死，唔係仲要我送你掛？而對於男性朋友嚟講，呢條友簡直係做壞規矩，寵壞港女，令其他巴打難做。