「已婚」紀律部隊男IG inbox flirt 我:「唔出去透下氣,反而危害到段關係。」

 

 

自從將IG set 左個公開之後,間中都會有啲寂寞嘅芳心inbox 我flirt 下,男又有女又有。呢啲人其實冇咩嘢,同佢地傾偈又可以得到大量靈感,於是就成為左我最近嘅娛樂。

我從來冇試過拍長拖,最長嘅夾埋long d 先得差唔多一年,自然冇經歷過過左熱戀期之後嘅所謂「七年之癢」。有時如果對方同我打開心扉嘅話,我都會不妨做下佢地筆友聽下。雖然喺普遍嘅認知之中,咁樣flirt 法或者都算係出軌嘅一種,但其實好多時呢啲人只係想flirt 下講下sext 下,甚至真係單純講下野,一啲性嘅成份都冇。真係想約出嚟見面嘅人係少之有少。當然,約真人呢啲野可免則免,廢事節外生枝就唔係太好。

最近DM 我嘅H 先生,30尾紀律部隊,有個拍左14年拖嘅男友。「點解你會想搵我傾偈?」我問。「冇啊,我唔會放棄佢,但我同佢已經冇flirting,如果我唔搵人text 下我覺得我維持唔到呢段關係。」佢答。

「你肯定你愛佢?」我追問。「係,如果結婚嘅話我一定係同佢。」佢堅定地回答我,但又補充道:「你係咪覺得我好衰?我以前都覺得自己好仆街,有次攤牌同佢講起。但最後我地都有共識可以玩下。其實,如果你拍拖拍到十年八載,就會明,有時唔出去透下氣,反而危害到段關係。」

俾著以前嘅我應該會屌佢一鑊。但唔知點解,雖然佢講嘅野我未能明白到,但又覺得佢未必係錯得曬。所謂「出軌去挽救關係」係錯誤,正確嚟講,我覺得佢地都係「出軌去挽救自己日漸失去嘅刺激感,從而唔會厭倦一段可能已經唔會再有心跳感覺,但又唔想失去嘅感情。」。

當我同個30尾嘅H 先生傾偈時,聽佢講返工啲人幾仆街,屋企人冷漠搵笨,供樓險過剃頭,裝修佬揸流灘等等,我覺得自己都慢慢變老;可能,之所以H要搵個後生仔 text 下,亦都係想搵返啲青春嘅感覺。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 189109
Date: 2019-01-10 23:59:47
Generated at: 2020-06-01 14:17:12
Permalink: https://www.vjmedia.com.hk/articles/2019/01/10/189109/已婚紀律部隊男ig-inbox-flirt-我:「唔出去透下氣,反而危