有日比賽，狀態不佳嘅娘娘們已經西風滿面，當我喺場外安分守己打氣之際，教練突然叫我落場，心諗今次本兵肯定兇多吉少，說時遲那時快，失左幾球後娘娘開始黎料，小兵愈失波愈緊張，愈緊張愈失波。無鼓勵嘅球場，只有一班黑口黑面嘅隊友同戰戰兢兢嘅我，場波輸左幾多我已經冇印象，但果種「你唔係咁都打唔到呀嘛」嘅埋怨神情同仇視我嘅眼神一直深深印喺我腦海中，唔講仲以為我欠佢幾百萬。