每年秋冬季節都係熱門結婚日子，雖然成日同大家分享啲慘情或者騎尼個案，但其實我手頭上亦有好多生活順暢嘅客人，只不過我份人衰，寫文鍾意報憂不報喜啫（喂）
咁好多客人都同我關係唔錯，有啲甚至頗為親近，當然藉呢份工而交到唔少朋友，呢一點我是感恩的；不過如果你結婚，好遺憾地真係唔建議你請我去飲。
事緣是咁的：淨係剛剛過去嘅 2018 年 11-12 月，我喺客人手上收到嘅請帖共有 7 封，餅卡就有 12 張，真係夠我食牛油蛋糕食到腸胃炎了。
之但係我無參加過任一場婚宴，有位客人就甚為不解，因為佢認為佢識到現任老公，係我當年叫佢去學某樣野嘅功勞（當然我覺得只係佢有把握緣份機會，我點會喺呢啲位居功），所以佢好想我可以去見證佢嘅婚宴。
「神婆，你黎到淨係食飽就走可以架啦，人情唔駛比架，我只係想你黎湊熱鬧。」
當然，其實個客講到咁都咪話唔窩心，但係我淨係苦笑。
原因係咩？
係呀，或者我喺你前途有疑惑時幫到你，又或者喺你迷茫時鼓勵到你；只不過，我覺得朋友猶自可，如果係客人身份，我其實都幾尷尬的。
唔係講緊去到坐邊席嘅問題，而係我上台恭喜你之餘，唔通講「祝百年好合，有事返黎搵我」咁樣咩？又好老實，好多客人同我喺開牌之時，或者彼此嘅心靈距離會拉近，但我始終唔係屬於你嘅世界、你嘅圈子嘅人。「神婆」呢個身分，始終係你有唔開心、有問題發生先會想起嘅人物。
或者你覺得我多心啦，「當係朋友咁去咪得囉！」，啱呀，但作為朋友嘅話，佢嘅其他朋友我又唔識，佢邊度返工我都未必知，佢鍾意食乜我又唔知。我同客人嘅距離好似好近，但同樣地可以好陌生。
所以，遙距離祝福你地咪幾好？我始終係真心為你們高興的，我亦唔希望你喺婚宴上見到我，個腦會諗起我平時成日寫嗰啲「情外情變了對象別要太驚訝」嘅文章，講真，唔老黎呀。
就等我神婆賜福在心中算啦，為你地好咋，我黎到又唔派得卡片，我好蝕架（講笑）
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
適婚年齡女多男少，令到部份男士開始 FF 覺得自己條件特別好
個個都話想移民，但係你有無諗過你去到當地點生活？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月13日
