我有唔少客人教音樂，唔理你拎住幾多外國音樂學院證書，香港人呀，對於「技能」「才藝」呢啲講出黎馨香嘅東西，一向都唔太尊重。
呢樣野同樣地有喺我身上發生。以前做學生時，我都有去教下樂器（我本身有鋼琴同埋單簧管八級證書，不過我知呢啲野而家一街都係），不過啲家長有幾尊重我呢個「老師」，相信都唔需要我多講，以前啲人就話虛心受教，而家係我地跪地乞米求你個仔比我教啦，佢唔練野連五級樂理都 Fail 一定係我錯啦，咁樣玩先係香港嘅「王道服務精神」」
正因如此，我大學就算讀英文，我早早就放棄左「教書」或者從事「教育」呢方面嘅選項。對唔住，我無用，我脾氣硬，我真係做唔到老師，我呢啲人一定會誤人子弟。
咁如果你以為「神婆而家做塔羅生意，應該唔會再遇到呢啲情況啦」嘅話，Again 對唔住，你傻豬黎嘅，唔好低估我地消費者嘅「我比錢就係神」嘅意識，唔好睇我成日打文串串貢咁，你估我遇得少西客咩（遠目）
不過今日唔係講西客，西客起碼都真係黎搵我開過牌吖（有無緣份見第二次就睇我心情啦 LOL）；我今日講嘅，係啲叫我去表演嘅人。
耐唔耐我就會收到唔同種類嘅邀請，有啲係上某電視節目，有啲係上某網台，不過我份人都係怕麻煩的，同埋我對於自己嘅工作非常自大：如果係熟客搵，咩都有得傾；如果你根本未搵我開過牌，你叫我去做乜都無意思。
例如舊年同今年，都分別有三大院校嘅唔同莊社黎叫我去佢地活動度「增潤佢地嘅環節」或者「當資助學生，免費兩個鐘任佢地學生問牌」，大前題係佢連廿蚊小巴錢都唔會出比我，個活動仲要係夜晚 10－12 點，而間學校超級遠離市區。咁當然，大學生嘅野，我反白眼極都唔無理由 Cap 你圖出黎公審恥笑你，咪同你講句「我唔得閒」咪大家好落台囉。
咁唔講大學生，講返啲出左黎做野嘅「成年人」甚至係啲結左婚嘅中年阿太吖？
「I will hold a party and want you to come. how much?」
「Can u help celebrate my birthday? how much?」
唔理名目係乜，你明唔明一個女仔比人問「How much」真係情何以堪，特別係呢啲人係一次都無黎搵過我架，我識你條毛呀？OK，我溫柔啲，我商業啲：喂阿姐，你黎都無黎過，你又知我準嘅？你唔比我係神棍靠吹水撈到而家架？
「Hello 我有睇你文架，我想搞 party 搵你表演要幾錢？」
如果有睇我文係一個優勢嘅話，咁睇到呢度嘅各位，祝大家新年身體健康，財源廣進先！大佬，而家講緊塔羅呀，我做嘅係 problems solving 同埋心靈雞湯呀，我點表演呀？好似賭神咁搵膠紙痴實副牌黎洗比你睇好無？
我知有好多做塔羅嘅「行家」好熱衷做商場 Event 或者 Annual Dinner，人各有志，唔係話呢件事有咩唔啱，只係我見正常客都唔夠時間嘅話，你係咪可以出得起我嘅 Time Rate ＋助手費＋車馬費黎 Compensate 我嘅「娛賓時間」呢？你出得起我都唔做啦，我學師我開牌唔係為左 Entertain 你嘅 Birthday Party，去搵姐妹啲小朋友出黎朗讀唐詩三百首咪算囉，係咪先？
尊重呢啲野，你可以話「車！你唔講我點知」，但係我真係無諗過如何尊重別人都要人教。你話我倒自己米？你如果會咁諗我都真係惟有叫你保重架咋！
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
適婚年齡女多男少，令到部份男士開始 FF 覺得自己條件特別好
個個都話想移民，但係你有無諗過你去到當地點生活？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月15日
