【人生百二歲】年齡就係一個流動嘅概念，以前十二三歲就要開始扑嘢生仔

睇到咁多人鬧個官嘅百二歲論，我偏偏又覺得佢講得好啱
年齡概念係流動嘅，喺以前十二三歲就要開始扑嘢生仔，三十幾四十歲可能已經要做人阿爺，被人叫老人家。
八十歲算長壽，依家喺香港，短命過八十歲即係低過平均年齡，算係短命㗎喇。

我哋依家當然覺得人均壽命百二歲係天方夜譚，但係一百年前嘅人聽到人人都可能活到八十歲一樣都覺得荒天下之大謬。

高官咁講法，其實都係叫你班平民要諗長遠啲，唔好覺得「老年」呢個概念係固定不變嘅，佢係流動嘅，今時唔同往日，長命咗你班蛋散自然要打耐啲工啦，一係就做好人生規劃，幾次金融災難唔買熊，有錢嘅時候唔買返幾層太古城，學依家啲人力資源顧問話齋，唔好好做人生規劃，自不然係咁㗎喇。

唔知啲人力資源顧問又有冇好好為自己嘅退休做打算呢？

喺人口老化嘅大勢下，要令社會福利可持續，削減老人福利開支又或者提高門檻係勢在必行嘅事，而啲削減咗嘅福利就應該攞去開源，一係就引入高技術移民，一係就用呢嚿錢去鼓勵人生仔。

簡單啲嚟講，喺政府嘅角度而言，呢班冇勞動力，冇消費力又唔交稅嘅老人家正正就係社會嘅負累，連投資嘅價值都冇。（非本人角度）

作者：山城小豬伯

總編話佢：「真人係幾靚仔嘅」

閱讀後覺得好，請多多讚好及分享～：）