我都唔明其實警司帶人妻上安全屋扑嘢,有咩問題啫?

〈消息轉自 現場 - 蘋果突發〉阿Sir善用資源😏😏【警隊高層醜聞】警司公器私用 帶人妻上「安全屋」偷情https://bit.ly/2RSmF4c

香港蘋果日報發佈於 2019年1月15日星期二

 

首先就係,阿Sir做嘢唔使你哋教!警方嘅資源警司大人鍾意點用就點用啦!警棍鍾意幾時延伸就幾時延伸,枝炮鍾意幾時射就幾時射!幾時到你哋班無權無勢無水準嘅平民指指點點呀!幾時都要記住前一哥曾偉雄嗰句「你地無做錯到!」,警察就是正義!

第二,香港土地問題嚴重就係人都知,後生仔冇錢買樓租樓,有啲結咗婚都仲要同屋企人一齊住,扑野都要去時鐘酒店,搞到日日放工時間同埋weekend時鐘酒店都排晒長龍。你地都唔諗人哋警司大人係幾咁用心良苦,費事同班後生仔爭先轉戰去安全屋啫。

第三,喺香港呢個樓價同埋租金高昂嘅地方,安全屋長期丟空係非常之唔合乎成本效益!有見及此,為咗善用公帑同埋警隊資源,警司大人先會帶人上安全屋,測試下安全屋安唔安全,如果安全屋夠安全嘅話,真係安全套都慳返!相信警司大人上到去除咗會確保自己枝炮射得出之外,都會確保安全屋入邊所有傢俬電器特別係床能夠順利操作!你知啦!啲傢俬電器擺咗響度長期冇人用,好易生銹、好易壞嫁!佢都係費事啲受要保護嘅證人上到去住,先發覺啲傢俬電器有壞,先防患於未然成日上去check住咋!警司大人咁用心做咁多嘢,你哋真係唔該都無聲!

第四,警察都係人,都會有性需要,有性需要去扑野好正常啫!總好過D休班警/當值警走去性騷擾、偷拍、非禮、強姦呀!我知樹大有枯枝,族大有乞衣,除咗少數嘅害群之馬之外,其他警察全部都係好人!至於點解警司大人自己有老婆唔搞,要搞人妻呢,就……就係因為警司大人壓力太大囉!至於點解壓力會太大?你地要記住無論幾時,警方壓力大嘅原因只有一個:一日最衰都係佔中!

 

 

作者:萬忽瑪利亞

萬忽瑪利亞
搵個人去愛太難,搵個人做愛易D。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 189274
Date: 2019-01-16 00:05:19
Generated at: 2020-02-29 12:03:33
Permalink: https://www.vjmedia.com.hk/articles/2019/01/16/189274/我都唔明其實警司帶人妻上安全屋扑嘢,有咩問題