香港發大財就要郁左你班廢老先

 

「選前乜都得,選後唔見人」、「選票已袋,理撚得你」呢d就係我地既民主寫照。關鍵一席變做關鍵缺席,對於尸位素餐既人黎講,席席都關鍵,少個位邊夠我食呀,係咪先?俾人呃左選票都係上網叫佢下次唔好啦,你睇下我地對d負心漢幾好就知香港係個大愛社會毋庸置疑啦~之但係香港呢個社會好特別,又有人好用心將承認付諸實行既時候,批評仲激烈過對個負心漢,係價值觀完全被扭曲,定係做好公關就得?我地一齊睇下。

近幾日既將健全長者綜援申請資格上調至65歲既爭議,由特首一句「咁多位批准」點著哂d火頭,成個社會又返返去討論,講到好似係上星期決定,上星期表決咁。但其實靠根究底係由上年同上上年已經開始講過,一個叫「理財新哲學」既term。大家唔記得都好正常呀,我問下你關鍵議員再上一次唔記得投票係幾時?你都係會唔記得架啦,因為仲有下次嘛~但係呢個資格上調左之後仲有冇下次?有~仲會係唔同範疇~因為跟返佢個term,呢d所謂「持續性開支」係會隨住人口老年化而上升,所以政府水浸大L把錢係一件事,派唔派俾你係另一回事,而好似因航咁cut cost就更係另一回事,而當然後者係「理財新哲學」既重中之重既時候,就吟詩都吟唔甩架啦,再講就係,咩叫「長者」呢個定義你同佢地拗?你不如睇下長者卡係幾多歲先有得申請?仲邊有位俾你拗?

作為一個曾經被老友記訓示過既廢青黎講,呢d上調咪好囉,都係個句啦,俾咁多錢養懶人我就唔制呀,乜依家d60後咁唔捱得呀?你捱多幾年就用得2蚊指揮天下啦啵~我交左稅一句多謝都冇仲要俾你地下達訓示喎。仲有啵,係咪個個都真係為香港貢獻過先申請定係佢上面拎一份落黎又拎一份食2家茶禮你又未必查得到,喂你搵工有困難搵唔到野做去勞工處囉,再唔得咪銀杏館囉,btw,點解又唔做好生涯規劃先呀?你班泛民又想靠道德勒索去俾政治資本你?不了。

今次特首做得好呀,貫徹始終,履行新哲學好呀,cut cost 發展房地產先係正路呀,一個最大地主玩貨源歸邊再大力玩房地產呢d先夠前贍性架嘛~香港發大財吖嘛。快d再推返新哲學出黎講咪冇事囉~個d所謂代議士,成本預算太厚唔想睇唔計、議案魔鬼在細節睇唔到又唔計,議案唔睇,預算唔睇,咁選你做乜9?不過唔選你都仲有大把人支持你架,反正你訓低選都嬴既,怕咩喎。至於個d真係好慘既老友記,深表同情呀,搵個社工幫下你啦,搵議員?佢俾多2個利是封你就得。如果你當時生多幾個養兒防老,你依家邊洗咁愁吖。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 【真人真事】嗰日,朋友扑咗個黑警… by 都市女子日常
    情侶情到濃時緊係扑嘢啦,點知呀警察叔叔第一次淨係硬到一下,之後都軟過軟雪糕,搞咗好耐,連個套都鬆埋出嚟。…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 陳法拉呢種女人,蘭桂坊無一萬都幾千 by 庵念慈
    陳法拉就是那種中國出生、家裡略有關係二代,去外國走一轉再回流到香港,口裡的普通話和英文都是有難聽的捲舌音,住在美國卻罵美國總統的甚麼不是。…
  • 老蘭嘅初夜 by SAZI
    我記得第一次去蘭桂坊係喺2011年,已經係九年前嘅事。仲好記得第一晚去蘭桂坊時候嘅衣著,藍色書包杏色闊腳褲藍色花紋T裇,總之唔係可以稱為「戰鬥格」嘅裝束,好似白癡咁鑽入威靈頓街間T字頭O字尾嘅酒吧入面,入到去全部都大過當時嘅我至少十年,全部…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
歡迎讚好我們的facebook page,免費資訊源源送上。

文章資訊

ID: 189290
Date: 2019-01-16 05:19:53
Generated at: 2020-05-30 03:02:30
Permalink: https://www.vjmedia.com.hk/articles/2019/01/16/189290/香港發大財就要郁左你班廢老先