頭先等緊客，喺舖頭細細聲播歌。因為個客行路無聲（笑）同埋我掛住打文嘅關係，我無留意佢企喺門口望住我。
對方係靚女 OL 一個，比人聽到我聽咩歌，我有少少唔好意思，即刻熄左音樂，「Sorry 唔知你到左，我……」
「神婆，你係咪聽緊《Queen》？ROUAGE 首《Queen》？」
我突然心跳加速，「係，你識呢首歌？」
除左成日提嘅「沒有他都會有別人」，仲有一大堆 J-Pop 同埋 ACG 歌，其實我小六去到大學時間，最沉迷嘅音樂，係日本 Visual Rock。
ROUAGE 係 1993 年喺名古屋結成嘅 Visual Band，因為 2001 年已經解散嘅關係，唔係好 into 呢個音樂領域嘅朋友，真係無可能一聽就講得出個名。
我企喺身，個客行入舖頭，同我握握手。
「我唔知有幾多年無遇到有呢個興趣嘅人。」
「我都係。」
「而且你同我一樣，睇外表，真係估唔到你唔出會聽呢啲歌。」
「你係咪讚緊我無 MK 味？（笑）」
因為喺香港講起 Visual 就好易會變成迅雷頭或者忘了愛，我唔想咁樣，所以自從幾年前無再去密密睇 Live 之後，又，而家日本 Visual 嘅風格都變成商業牛郎風，無哂特色，所以我都已經半脫坑，聽舊歌多。
估唔到開工會遇到差唔多年紀嘅同好，好開心，傾 90 年代 Band 傾左半個幾鐘都未開牌，好彩今日啲客唔密。
好似好難有人有共鳴，但係我都係想記低呢件事 😭
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月18日
