農曆年不lonely好像一直把眼睛睜得很大 怪怪的
由沒有營養的生活智慧王發佈於 2019年1月20日星期日
過年啦，各位後生仔女準備好未？
農曆新年，絕對係香港年輕人嘅災難節日。所有親戚聚首一堂，手握仔女嘅成就，同你老豆老母廝片一番。我地做仔女嘅，只可以鳩坐喺道，見證一班長輩互相問候，明白咩係虛假。
每一位九十後總有一兩個仆街親戚。一般而言，呢啲親戚係中國農村出身，冇受過教育，成日問你屋企拎著數，即係蝗蟲。佢地最愛呃錢、寸人同搶劫。
呢班仆街親戚扮晒有錢，但實際上窮撚到仆街，喺汕頭住細屋，出入搭巴士同三輪車，以打工同打麻雀度日。大時大節佢點過？就係落香港搵你屋企「借」錢啦，話就話借，實情係呃，因為佢地永遠唔會還。
「我個肝有事，要錢醫病呀！」咁多年你又死唔去？
「我要畀錢個女補習，去考大學呀，等佢遲啲考到，搵份好工，一定會還畀你！」呀你個女好似中學就搞大咗個肚，冇讀書啦喎？啲錢呢？
「我個女同佢老公做生意，一定賺，到時三倍奉還！」兩條友中學未畢業就生仔，學咩人搞生意？
佢地仲好尖酸刻薄，成日眼紅你，喺大班親戚面前畀說話你聽。
「你平日懶懶閒咁，都考唔到大學㗎啦。」你個女就考唔到，我而家碩士畢業啦。
「讀中文有鬼用咩，出到嚟冇人請。」我而家返緊工，搵錢唔多，不過養到自己嘅，唔使問人借錢嘅，你呢？
過年期間，佢地一定會同成家人落嚟拜年，封一蚊（人民幣）利是畀你，再拎你屋企嘅任何嘢走。
「嘩，啲鮑魚好靚呀。分一半畀我得唔得呀？」嘩，你個鮑魚好臭呀，割咗佢ok？
「嘩，你塊玉好靚，如果我都有就好！」係呀係呀，你自己去買仲好。
「呢個手袋好靚喎，個質地好好！阿女，你過嚟試下啱唔啱你，啱就拎返去，表姐咁好人，唔會介意！」仆你個街！教埋個女搶嘢？
就係咁，你屋企會俾人洗劫一空。
點解仆街親戚可以橫行霸道？通常係因為你父母係左膠，堅持一家人嘅理念，要你大愛包容。所以，你唔可以反抗啲仆街親戚。咁呢一場仗點打？我地只可以裝備自己，努力防守。
留意，以下方案只適用於仆後親戚，如果正常親戚真係需要你幫忙，咁又不妨伸出援手嘅，佢地真係一家人嚟㗎嘛。
首先，大家要諗定一兩個藉口，醫病又好買樓又好，當仆街親戚借錢，你要搶喺父母開口前，提出呢一堆藉口，直接拒絕佢地，等佢地知道你父母好恰，但你唔好恰。一般而言，佢地會知難而退。如果死纏爛打，你可以拎一疊邦民、安信同UA嘅宣傳單張出嚟，話幫佢地計劃下，等佢地知道你早有準備，唔會妥協。
其次，你最好諗埋今年有咩小成就，可以同親戚分享下，等佢地問起你都答得到。如果冇，諗下有咩話題，娛樂新聞、旅遊勝地、電影等等，佢地一嚟到你就勁講，瘋狂發問同回應，唔好畀位佢入。
遺憾嘅係，仆街親戚真係可以好仆街，面對究極仆街親戚，以上兩項防守未必有效，有人注定硬食。不過！有一樣嘢你一定可以做——執屋。
而家開始，將你屋企最貴重嘅物品執好，鎖喺一個不透明嘅箱入面，再放入床下底。仆街親戚攻打前，你要鎖好間房，保住你嘅財物，就算佢地堅持入房，你都要確保佢地搵唔到個箱，搶唔到嘢。
如果佢地真係要搵，咁算啦，你報警好了。
祝大家平安度過新年。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月20日
