香港嘅教畜,個腦生左係邊撚度?定係佢地有腦,冇心?

 

 

早幾日肥西已經見到馬鞍山單野。大家都知,有間中學,有個男仔畀啲同學撳撚住左係地下,之後用將凳困住佢,之後就除佢褲同內褲,露出屁股。之後,幾個男生就不斷的嬉笑。

做這些事,屬於「嬉戲」的範圍嗎?校方的所謂深入調查是什麼?涉事的「董之英紀念中學」以書面聲明回應事件,稱已向相關學生及家長跟進,經深入調查後認為事件,「並不涉及任何欺凌成份,只是同學間過火的嬉戲」。

大概個調查係點既呢?或者你可以想像一下。校長又好,訓導又好,叫晒啲細路出黎,之後老師就問:「你地係咪玩咋?」果幾個細路,拍完片放上網,根本唔知道件事可以鬧到幾大,可以有幾大件事,當然可以嘻嘻哈哈咁同啲阿sir 講「我地玩下啫!」、「今次都冇玩啫,我地好收斂架啦!哈哈哈哈……」

以上既,都係設計對白。肥西都明白。以前啲男同學中意係廁所鬥邊個大碌,我都聽撚過。啲男仔去游水,邊個早啲發育就笑鳩佢「嘩你帶咁大袋野出街做咩?」細路玩到冇野好玩,玩自己身體,呢啲可能都係小事。但你外間睇埋去,你學校睇撚住咁撚大單野發生,你同我講「唔係欺凌」?我真係戥入面讀緊果啲男男女女擔心。咁今次就話除男仔褲啫就當冇野啫,你試下係除女仔,又點呢?係呢件事上面,一睇就知校方對「男女平等」呢四個字一啲概念都冇。男仔身體而家就可以「玩」,可以「外露」啦?

件事最好既答法,一定唔係話「並不涉任何欺凌成份」。校方可以做既野,可以有好撚多:首先,要承認今次事件不適切,然後指已向有關同學灌輸正確的性教育觀念:任何人的身體,都不可以用作「遊戲」用途(咁夠撚晒正氣啦!)。而校方會負上全責,把學生帶回正軌。你一開波就話「無欺凌成份」,咁我地睇到條片,係咩呢?

校方如果覺得件事真係冇欺凌成份,咁好撚簡單,校長跟返條片咁,拍返一次出黎。你睇下你肯唔肯?作為學校管理層,你而家好明顯冇盡好責任:學生就算玩得過火左,唔代表你地冇責任教返好佢!一句「並不涉及任何欺凌成份,只是同學間過火的嬉戲」就想蒙混過關?呢d 咁既學校,真係邊個家長畀佢讀,都係唔撚負責任既撚人,家長唔撚負責,教師得過且過,教出敗類要社會找數,呢啲咁既學校點解唔執撚左佢算?

 

作者:肥西

肥西

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 189529
Date: 2019-01-24 19:38:49
Generated at: 2021-06-14 09:50:01
Permalink: https://www.vjmedia.com.hk/articles/2019/01/24/189529/香港嘅教畜,個腦生左係邊撚度?定係佢地有腦,