話說回復單身之後我就打算追上熱潮，裝返個交友app 玩下，最初揀咗某個app，用風景相已經好多人add 我，我心諗點解大家咁得閒，明明係返工時間，後嚟我轉咗真人相，啲人double triple 咁上，無啦啦一個平凡人都勁多人狗衝，唔怪得咁多人玩啦，然後傾幾句你就會知佢哋9成9都係想搵sp，一係問你等唔等錢使，一係就勁chur 約你出去，咁我都欣賞大家咁坦白嘅，由於太煩，我好快就轉咗張貓貓相，唔夠一個鐘我就玩厭咗，過幾日就刪埋個app，因為好食電。
小鮮肉：「你好卡嘩二。」
我：「你仲卡嘩二啦托住個咁大嘅行李箱喺頭頂。」
小鮮肉：「遲啲可能托住你呢。」
我：「你咁瘦我驚你托唔起。」
小鮮肉：「未試過點知喎=3=我好努力咁操緊肌，練大隻仔，想唔想試下？」
望住嗰張瘦到火柴人咁嘅profile pic，我真係好唔爭氣咁笑咗出聲，而家啲小朋友真係好有自信兼好可愛。後來有日同朋友傾開，佢就介紹我玩另一個app，話啲人正常啲，認真啲，咁我又玩下啦反正唔使錢。首先一登入就有1000個幣，每日都會推薦一個人比你，要大家互like先傾到計，如果想like 人要用3百幾個幣，無晒幣就要比錢買，總之好鬼麻煩，我又係好快就刪咗個app。
之後有朋友又推介另一個app 比我，呢個app我暫時覺得係最好，至少我都玩咗個幾星期，啲人正常啲，無咁chur，有啲仲幾靚仔，不過我淨係想搵人吹下水，無乜興趣發展另一段新感情住，亦無打算喺app度搵另一半，雖然身邊都有朋友喺交友app 識到另一半仲結埋婚，最後我留咗whatsapp 比幾個OK好傾嘅人之後我就刪咗個app，都玩夠喇唔會再裝呢類app，除非有廣告文要寫啦XD。
單身咗先發現原來我有好多朋友都有玩交友app，就算拍緊拖，結咗婚嘅都會玩，其實我真係好驚訝，呢啲app 擺明就係溝仔溝女食仔食女app，搵人齋吹水解悶？10000個都可能有1個嘅（我囉XD）。其實單身玩就當然無問題，但係有另一半就最好唔好喇，又或者而家嘅trend真係咁？定我太out？真係黑人問號，我好奇一諗，其實呢啲app 係拆散定撮合情侶多呢？
#好人壞人係無樣睇 #女仔玩呢啲自己小心
#千其唔好亂上人架車 #特登唔開app名 #費事變免費廣告文
編按： #男仔唔洗小心咩
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2019年1月25日
