分手之後需要幾長時間先能夠對前度忘懷，呢樣嘢並無絕對答案，畢竟每人嘅故事經歷以至想法都不一樣。
不過，有啲野過去左就係過去左，無論你喺一段關係入面有幾怨恨、或者幾後悔、或者唔理你正面負面咩感覺都好，已發生嘅事就只好接受結果。
當然啦，你要「愛在回憶中找你」係你嘅選擇，喂阿姐你唔好燒埋去人地度吖？
話說有個女仔客話係朋友介紹黎，問我有無朋友價，然後我問佢「邊位朋友呀？你撻朵都要比個朵我吖喂？」嘅時候，佢又講唔出。
咁呢位化名 Bibi 嘅女子，其實一入到黎望咗我一眼已經黑黑地面，搞到我個心一慌，以為嗰朝無洗頭比佢發現咗。
Bibi 問感情，想知前度有無掛住自己；其實呢條問題都好多人問，男女都有，或者係好勝心，或者係唔甘心，anyway，遺憾地 Bibi 個前度就已經對佢完全無感，唔好講掛住，根本係連諗起都廢事。
「我都知佢薄情。」Bibi 冷笑。
「你地分開咗幾耐？」我問。
「一年半架咋，佢已經有新女啦，佢條新女得罪講句，仲同你好鬼似樣，搞到我都唔知望唔望你好，一望⋯⋯」Bibi 由原本好 Defensive 嘅聲線變得有點鼻酸，「望到你就諗起佢唔再愛我。」
我聽到呢度，我條眉皺埋一舊。
即係咁，分開左一年半啦喂，唔係一個半月呀，人地有正常社交關係發展，都好合理吖？你怨乜野呢？
同埋，你因為我生得似你前度嘅新女朋友而黑我面？我生得大眾臉得罪你呀？
重點係咩你知唔知呀？Bibi 一直都有 Stalk 住佢 Ex 嘅 FB 同 IG，佢比個新女朋友嘅相我睇，喂呀，除咗都係七三分界長頭髮同埋矮之外，唔好個個人有眼耳口鼻都話似樣啦好無？
Bibi 當然就同佢 Ex 復合無望架啦，不過心中懷怨恨，放眼看去萬物皆憎嘅話，似乎無益身心，雖然我唔肯定一個見到我就黑面嘅客到底會唔會搵我第二次，不過好似我咁嘅樣嘅女仔應該一街都係，如果咁樣就令到佢唔開心，咁佢行出街應該成日都會嬲嬲豬。
希望阿女快啲睇開啲，其實放過你是放過自己，何況人地都已經行前左好多步，自己原地踏步，又何苦呢～
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
適婚年齡女多男少，令到部份男士開始 FF 覺得自己條件特別好
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月25日
