有學生請教我，話自己英文唔算差，文法與大多數情況下都用得唔啱，唯獨是寫作嘅時候諗埋idea、諗vocab，諗得非常之慢。就算諗到一篇文點樣寫，寫左出嚟之後，都發現自己文章內容偏向貧乏，優質用語含量遍低。
我嘅回答係，好多同學寫作寫得唔夠好，寫得慢或者用語唔夠豐富，其實都係源自佢哋學習方法出咗一個問題：佢哋覺得寫文既第一步就係構思。
這是大錯。要寫出好的文章，第一步是取材。道理就同如果你要煮飯，第一步唔應該係喺廚房拿材料出來，而係應該係去市場採購材料。
要煮好一餐飯，喺採購材料嘅時候我地必須喺心裏分析過依家要買嘅材料有咩用途，先決定將唔將呢啲材料買番屋企，買左番屋企之後又要將材料放喺邊度。
如果你唔識得採購原材料， 即使你嘅烹飪技巧有幾咁高明，你都冇可能煮出一道好菜。
同樣，同學面對寫作太慢、句構詞彙太貧乏呢個問題，唔係單憑多花時間構思點樣寫好一篇文章，就能夠改善嘅。 而係應該從深化閱讀呢個習慣著手。
呢啲同學應該問下自己，自己閱讀文章嘅時候係咪冇用一個分析同賞析既角度去睇呢？
賞析嘅意思係：每一個字，每一個短句同每一句句子，都要問自己，究竟作者為左達到咩效果而用左呢啲expressions呢？用A字同同用B字有咩唔同，製造到咩特別既色彩呢？喺閱讀過程中遇到自己唔識嘅字唔緊要，最重要係要唔單止估到同查清楚呢個字係咩意思，唔單止要知道呢個字嘅詞類同用法，仲要搵出呢個字經常喺咩語境出現，同咩字有聯繫，有相似之處但又有咩唔同。
當你搞清楚晒呢到疑問之後，你先可以講呢個字擺落你腦裡面適當嘅位置，因為你已經知道呢個字同其他字有咩關係了。
我又成日提醒學生：你嘅大腦就好似你間房，你要寫作，就等於常常要喺你個腦裡面拿出適當的材料烹調呢篇文章出黎，所以你一定要話好多時間執好你間房，令到你需要拿啲咩出黎用嘅時候，都對呢種類五花百門嘅野放喺邊度一清二楚。咁你每一次要攞出你需要用嘅嘢嘅時候，就唔使搵餐死先搵到喇。
一個聽落好簡單嘅道理，大家一定要記住：閱讀唔單止為左get到作者既意思，仲係為左鑑賞下作者既presentation係咪effective。
如果希望閱讀更多有關英語學習的資訊，歡迎follow我的Facebook page：
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2019年1月27日
