香港值得擁有的優質醫療制度

 

 

今時今日嘅醫療問題唔係流感高峰期先發生嘅,係由來已久,發生左好耐一直無人正視,而我地香港人亦一直好有耐性任由政府放任呢個問題不理。

 

首先呢個問題源自人口不斷增加,每日百五不除,有無計過醫護需要幾多人先應付到呢啲每日增加嘅人口??前線醫護一直都係頂硬上,唔想見死不救,犧牲自己健康,燃燒自己生命,佢地not well paid for it. 對比私家醫生收入,公立醫院嘅醫生我覺得簡直係半義工性質行醫,對於仍然在公立醫院工作而唔係實習嘅醫生,我係致以崇高敬意嘅。

但,我地呢個政府一直以來都係利用呢啲前線醫護嘅工作熱誠,佢地救人心切嘅心,一直系度壓榨佢地。即使醫護人員示威遊行又如何??

唔從源頭減人,根本無辦法長遠解決醫療資源不足嘅問題。

 

第二,如果每日百五係鐵定不二嘅,係事必要俾佢地來香港嘅,咁你呢個垃圾政府係咪應該撥款增加醫療開支??起咩人工島呢?你唔使攞一萬億起個島俾人住,先prioritize 解決當前最嚴峻問題,十九幾年後嘅島老人家係睇唔到架喔。

錢可以解決嘅問題就唔係問題。請相信我,可以俾得起私家醫療費用嘅人唔會想去公立醫院排隊十九幾個鐘嘅,所有都係錢嘅問題嗻。白內障排幾年先有得做,唔少老人家係懵查查咁樣然後過身都未輪到做呢個手術。我當你萬五一隻眼,你呢個政府攞一千億出黎吖,補貼老人家呢方面嘅醫療費用係咪好難??嗰啲咁嘅膠鐵港豬大橋起黎做咩?方便啲咩人??受惠嘅係咩人??

 

不過算啦,琴日行山先聽到個目測六十過外嘅男子,話啲私家醫生自私唔幫手喔,話啲人鬧政府做咩呢?我聽到啲咁嘅說話,覺得都無乜好講,原來政府唔嘈得架,民生嘅野原來無關政府事嘅,政府唔係為市民謀求福利嘅,所以,都係嗰句,今日嘅結果,都係大家做成。

 

作者:不平鳴

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 189682
Date: 2019-01-28 19:05:43
Generated at: 2020-06-05 20:57:19
Permalink: https://www.vjmedia.com.hk/articles/2019/01/28/189682/香港值得擁有的優質醫療制度