【嗚巴軼事】「不知者不罪」——多少人假汝之名行惡？

呢晚，筆者係鯉魚門海傍（無錯，食海鮮個度）接個客，今次都係一位小姐。話說上車個點都幾入，難本上入到去條唔好窄，掉唔到頭。於是筆者打電話俾個客叫佢行出市政大樓後門，個客都肯行出少少黎上車。不過由於掉唔到頭，筆者惟有向後倒車成百米，出返路口掉頭。

出返路口，咁筆者就同個客講，如果下次叫車可以係返小巴站個邊，行兩步就到，上車都方便啲。個客同筆者講「我唔識呢邊啲路」，咁筆者就話「咁所以我咪話你知囉」，個客就答「下次都未必黎啦」。筆者就打個圓場「世事好難講嘅」。

的確，「不知者不罪」，唔識路唔熟路都唔係問題，就算職業司機都有機會唔識路唔熟路。但係啲人就好鍾意攞自己嘅無知黎炫耀，可能出於卸膊嘅心理啦，一句「我唔知呀嘛」就搪塞過去，仲要覺得好自豪個下先至經典。更離譜嘅，好似當自己嘅無知係寶咁，好心提供個資訊俾你，你就拒絕接受，繼續無知落去。

不過講到底，香港人咪又係「我俾左錢呀，我係客，我係海中心你都要黎接我」。在此奉勸各位尊貴乘客，如果你唔識路，係路邊遞手會方便好多。

【嗚巴軼事】

作者：車上人間

一個男人一架車，見盡香港人和事。

閱讀後覺得好，請多多讚好及分享～：）