你哋冇揸錯到!

政治 / 最新文章綜覽

 

香港公安聲名狼藉已經係舊聞,他們自稱紀律部隊,卻經常目無法綱,紀律張馳,當執法者日日見報都係犯法醜聞,架係自己丟,抵你俾人屌,正常人都睇你唔起都好正常。

香港公安放蛇捉風化生意,假戲真做太迫真,他們偵查樓上酒吧掛羊頭賣狗肉,假賣酒真賣肉,作為一位飾演差人嘅嫖客,佢哋出人出面出手再出頭,又揸又摸性工作者,係好合情合理嘅,正所謂捉賊拿贓,有乜嘢比自己「親手」揸住贓物唔放更可靠呢?前公安局長肯肯定會以110分貝雄壯聲量大叫「你哋冇揸錯到!」爾等黎民屁民份屬識條撚咩,阿Sir不畏艱辛,以身犯險,親自拿贓兼接贓,佢哋如此為治安鞠躬盡瘁,理應授勳英勇勳章,以資港人道德楷模。

誰人懷疑公安大哥大姐(我估唔到捉女人賣淫嘅任務,竟然都會派 Madam 去嫖)嘅忍辱負重執行並準確完成任務動機,就係唔想香港地治安好嘅仆街,我相信香港公安及一眾盲目為他們加油的愛警力人士一定會如此硬銷,幸好天網恢恢疏而不漏,樓上酒吧負責人碰巧有設置閉路電視,有片有真相,還差大哥清白 —— 原來佢哋真係入木三分地打好呢份吃力不討好嘅「工作」,以史坦尼夫斯基式方法演技,由內而外地飾演嫖客角色,令見慣色途老馬嘅賣淫集團人士都不覺自己伏已中,愚以為呢班公安 aka 嫖客不單該當無罪,直情要當庭釋放兼馬上升職加薪,呢班咁鍾意返工返到用工餘時間做臥底證人嘅同事,簡直係任何僱主夢寐以求嘅優秀奴工啦。

嗱,我而家就立此存照,呼籲良心僱主港共政府免其臥薪嚐奶員工免於因投入工作而獲罪,反正幾十年來公安捉賣淫捉到叫免費支再恐嚇性工作者不準報警已是慣例兼行規,而家嫖客們又食又拎再拉人冚檔,我覺得大家唔需要大驚小怪囉。

爾等蟻民嘈嘈嘈?你識捉賊咩?你曉捉到賊再判埋佢有罪先至好挑戰公安做事方式呀,this is HK logic HK style you know?

正所謂「好仔唔當差」,在下相信歇後語應該改為「當差唔食齋」才合理 —— 飾演嫖客當然冇理由唔揸啲妓啦,你唔做埋嫖客,又點拉到人嫖妓呢係咪?

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 189740
Date: 2019-01-30 20:56:24
Generated at: 2021-10-24 11:12:45
Permalink: https://www.vjmedia.com.hk/articles/2019/01/30/189740/你哋冇揸錯到!