Long D 都算，一對情侶最緊要係溝通到，了解大家嘅生活，接受然後互相融入。你話識台妹，大家都可以用煲冬瓜傾計，聽聞啲台妹仲覺得港式普通話口音好得意有分加；比你遠赴外國識到個鬼妹，只要你識英文就算唔太流利都一樣唔成問題。日本人英文又唔係叻，啊強對日文嘅認知又只限於「也咩嗲」同「熱菇熱菇」依啲唔出得街嘅用字，就算比你識到，唔通兩個日日就拎住個Google translate同用手語談情說愛咩？真係諗下都覺得攰。