話說呢件事都令我困擾左好耐，想同大家分享一下。
Hmmmm我諗今時今日，呢個網絡資訊科技發達嘅年代既年青人應該都會有用Instagram 呢個app，就算冇用過我諗10有9都應該會大約知呢樣係乜野來。
咁對於男仔來講，ig既用途都係大約有3種
1）分享個人經歷/事物 2）同朋聯繫友誼
第三個，我相信係大部份年青既男仔用ig既主要目的，就係𥄫女啦！
ig 既靚女多不勝數，實在有太多，不過我通常都係睇完讚好左就算，而特別係啲明星/model，簡單啲講人氣太高/公眾人物既，我基本上係極少follow 呢一類既靚女。我比較中意睇既係，係現今繁華都市下既一啲普通身份既靚女，因為我覺得呢類人post 既野會比較真實…….就係咁，就出現左呢一件事！
！！重點開始！！
係大約2年前，我一個人去左外國，因為當時唔洗返工，因為咁～係有意無意之間，我養成左用ig𥄫女既一個習慣！
係個陣時開始，我就係ig到遇到我既「女神」啦！
咁而家係到粗略咁介紹下佢先啦。佢叫Amber 大約23歲 眼大大，對眼好charm 好sharp（對我來講）長頭髮，好識打扮，著衫好有品味，係我最中意既風格文青系！ 或者係佢人靚，所以著咩都靚啦！
咁介紹完佢，我都介紹下自己啦！24歲 感情狀況係A3 其他就唔講啦，怕自爆！
就係咁，我由當時開始睇佢，睇到今時今日2019都仲睇緊。我每次打開ig既時候都會期望佢有新post，初頭都唔覺有咩問題，久而久之，我覺得呢個舉動好病態，開始覺得有啲過火，咁唔係叫𥄫女，係叫監察。
好啦，既然知道問題所在，就緊係要搵方法解決啦。係呢個時候，我既腦海突然靈光一閃，閃出一個問題，「其實我係咪中意左佢呢？」
Ok….咁求證一下咪知囉，根據fb 成日都會睇到個啲愛情語錄類似既野，話會有點樣點樣既情況出現，最後一句就係睇完呢個post你第1個會諗起既人，唉～仆街啦幾乎中哂咁濟……
但另一邊廂，我係到諗，點會中意左佢？根本三九唔識七！再者我連佢真人都未見過，根本完全唔識佢，亦未真實咁了解過佢，再者我覺得網戀呢野，係一種好L荒謬既事!咁樣計落「中意佢」呢個term好似唔成立wo
Btw點都好，但我不能夠否認既係，佢係我中意既類型，我對住佢有一種好仰慕佢既感覺。
最近每次諗起呢件事，我都覺得苦惱嘅感覺！
大家覺得我應該點算好，嘗試吓去add 佢傾計？（我覺得唔係容易）繼續睇下就算？
定係點樣？
歡迎大家係留言到比啲意見/你地睇完既感受！鍾意嘅話like同share出去！
【遊戲新聞】Bug 助你速通拿S+ 《生化危機 4 重製版》狙擊槍土遁大法輕鬆越過鎖上的門
當女朋友仲鹹濕過自己
Pokémon朱/紫！發掘古代，超越未來！訓練員進入開放世界！
女神新標準出爐！毒燃唔可以唔識嘅5位隱藏版女神MULCE
我在孤獨中找到了快樂
真正愛對方，唔好晚晚傾電話
2019年2月1日
