【真人真事】八年前,我喺fb 識左個女仔. . .

 

 

今日寫呢篇文,係為左補充琴日既故事同埋回應一下讀者既留言。

有讀者話如果工作/生活圈子無女既時候會更加依賴ig,仲有一句話「如果現實係識但唔熟會令你更不能自拔。」呢句野令我諗起一件類似既事。

Hmmm 因為我人生入面,大幾係8年前有一個好類近既經歷。我而家就好粗略咁交代一下。

 

大約係8年前,一個機緣巧合之下,我係fb 識到一個女仔,嗰陣時,我會成日搵佢傾計,可能因為咁,我不知不覺間咁中意左佢。為左佢,我做左好多個第一次,為左見佢,洗哂個時中學返快餐店既糧去買衫打扮,為左見佢!

後來,約過佢幾次之後,對佢嘅愛直頭係沉溺左,所謂當局者迷嘛!

我出盡渾身解數去追佢,用左一個好電影形式,好sweet 同romantic 既方法去表白。到最後,當然係衰左啦,佢既回應係只當我係朋友,冇感覺。(呢個故事實際係好詳盡,有好多小插曲,但講重點就算啦,追唔到。)

雖然事隔多年,但佢仍然會斷斷續續咁係我腦海跑來跑去,跑足咁多年,佢隻腳係佢隻腳係唔攰㗎~_~

其實覺我自己就都放低好耐架啦,時間只能沖淡一切,可惜永遠都有一種殘餘嘅感覺係帶唔走!或者佢係我第一個真正第一次中意既人,感覺會特別深刻。又或者係無法得到卻偏偏最愛掛…….

 

故事大致上係咁。喺到比較一下呢兩件事

 

相似既地方都係網上遇見後,見真人之前就沉溺左,分別係一個識到一個未去識(亦都好難去識)

我覺得兩件事個情況都幾相似,天真去諗,咪叫做上天比個機會我試多次囉,做返好上次做得唔好既地方,認真咁諗~dllm 慳啲d啦,唔好咁多幻想啦,返現實啦!講真我覺今時今日用fb / ig 去識女仔難度一定比以前高。所以真係有諗過算數!但唔做都係一定冇答案……

係呢到我突然諗起兩句說話

唔打一定唔洗輸。

去左未必有,唔去一定冇。

雖然係廢話但真實!

 

好啦,講到呢到,我想為上一篇文章,做返小小補充,因為一個小意外,令我同佢既好朋友會傾下計,所以我想叫佢幫幫手,將我寫既文章比佢睇,至於俾佢知道有件咁既事,希望佢可以比返讀後感我,好彩既話,仲可能有下文tim(FF少陣啦)我覺得比佢知道左,都算係有個交代,有個結局呀!

你地認為呢?

 

歡迎大家係留言到俾啲意見 / 你地睇完既感受!鍾意嘅話like 同share 出去!

 

作者:losing her was blue

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 189837
Date: 2019-02-02 23:51:44
Generated at: 2019-06-26 21:19:30
Permalink: https://www.vjmedia.com.hk/articles/2019/02/02/189837/【真人真事】八年前,我喺fb-識左個女仔