旺角夜市嘅質素,唔值得去保護。

 

好多人有喺依幾日去旺角夜市,而我就係其中一個。一個由一班義士去捍衛嘅習俗,一個喺新年期間獨有嘅自由,食環喺依幾日難得會唔恰啊婆,警察依幾日難得唔洗條繩綁住都識得企定定唔搞事,人頭湧湧掃街迫迫下應節幾咁和平歡樂。

直到我喺夜市排完第一串炸大腸之後,我開始懷疑依班小販有冇任何值得守護嘅地方。

老老實實,我真係唔會希望喺旺角夜市食到啲咩驚為天人嘅美食,但求正正常常,不過不失我已經會滿足。但我手上串炸大腸排咗我兩三個字,見佢比我之前浸咗好多唔同醬料,諗住有獨家秘方咁正啦——錯啊,啲汁係苦臭,啲腸係乾韌,炸大腸迷如我都忍唔住食咗一嚿就扔咗一串。之後又試多間土耳其烤卷餅,餡料少咗啲,冰凍咗啲,仲要收我50蚊,搞到我覺得佢地帶點口音嘅「朋友」依兩個字係水魚咁解。連伏兩鑊,我同女朋友諗住去近創興個位試埋個即拉腸粉啦,路過嘅小販愈嚟愈Hea,是但扔幾串嘢出嚟燒就算,有啲仲燒到燶哂,甚至有兩個MK妹放支大可樂同雪碧喺度,搵張紙寫住「檸樂/檸碧 $20」就以為可以搵到錢。

大佬,要搵錢都上心啲,好嘛?

我好尊重小販晚晚咁辛苦去整嘢食搵兩餐,但我幾尊重你都好啦,你啲嘢都要真係有返可以賣出街嘅水準先得架大佬,你唔係是但扔啲串燒擺喺炭火上面就以為可以有人幫你清哂佢掛?檔口係多啊,但有心搞嘅真係唔知有冇一成。好多MK幾條友出嚟搞個檔口諗住賺外快,但佢啲嘢食真係零吸引力;你以為上年紀就有保證啲?咪傻啦,難食到覺得臭檔大腸就係個啊叔搞嘅,真係可以列入我一生食過最難食嘅炸大腸Top 5。

義士用未來換取市民幫襯同小販擺檔嘅自由,不過我唔覺得佢地有幾珍惜依個一連三日嘅旺角夜市,好多都只係襯墟希望可以從中撈返一筆;而幫襯嘅香港人照樣搞到條街一地係碗啊竹籤啊汁咁樣,絲毫公德心都冇。但求自己方便快樂,唔理以後嘅人會點樣,依點廢老劣根性其實存在喺每一個香港人當中。

就算旺角夜市唔比再搞,我真係一啲都唔覺得可惜。將一樣好有價值嘅嘢搞到一文不值,依點就係香港人嘅專長。

唔記得講,最後冇試到腸粉,因為佢地淨係得返牛肉,而我女朋友唔食牛。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 190078
Date: 2019-02-09 05:19:59
Generated at: 2021-05-15 15:28:24
Permalink: https://www.vjmedia.com.hk/articles/2019/02/09/190078/旺角夜市嘅質素,唔值得去保護。