剛開始離開家獨自一人生活的時候，你會感到無比自由，從此再也沒有人會因為你懶床而喊你，沒有人會因為你晚睡而念你，更沒有人會因為你喝醉而罵你。「無皇管」的日子確是很快活，可是同時也沒有人會擔心你上班上學遲到，沒有人會關心你精神健康，更沒有人在意你人身安全……嗯，人是犯賤的。
初戀是美好，現實是殘酷，讀書唔成揾野做，成績差勁唔知做乜好，正是我當年的寫照，頭一年工作做咗半年茶餐廳半年麥當勞，八千蚊一個月都搵唔到，結果初戀走咗佬，佢出嚟做嘢冇耐，入咗間地產公司做文員，冇幾耐就畀啲有車階級的agent追鬼左。我當然有嘗試挽留，但當我睇住佢上咗人哋架私家車，而我只能夠排隊等車，我就知道，此情只待成追憶……
喺未有互聯網之前，你老母叫你做人唔好太高眼角，正正常常嘅男人嫁出去就算。的確，自從有互聯網之後，人係擇偶上多咗好多出路，亦都因為呢種「後現代愛情關係」，用法國哲學家鮑曼嘅講法，就係人嘅關係好「碎片化」、「流動性相當高」，人話姐係：更換伴侶次數頻密。
