杉原杏璃值得香港人學習的地方

 

我十七歲時去過日本,做交流生(唔係好耐)咁細個可以點丫,米都係睇咸片,X-Japan, Winning Eleven,受其文化感染,所以去學下野。當然,十年人事幾翻身,今日香港人叫做有錢過日本了,金融同電影甚至拋離梗日本。咁其實串柒柒之餘,日本仲有冇野值得我地學習?

你話做事認真,讀書時仲有得拗。一路再升職,唔認真都上唔到黎啦。咁但,日本仔都仲有一樣野,就係做9野都係好認真,好畫龍點睛。其中一個例子,當然係杉原杏璃呢個 痴撚線溫泉賽跑比賽。你話睇肉係一件事,無線「限奶令」前都好多賣弄。但我想說的是,終點鏡頭 pan out,拎大聲公好正經咁宣佈成績果個哥哥仔。佢突然令你覺得成件事好正經。就係呢種畫龍點睛既認真。

同埸加映,當然仲有三個奧運劍擊選手打100個散仔,足球隊三個打一百個細路之類。香港人硬係冇果度氣,果種把握,去行埋最後嗰步,令件事完美。啲工夫做得幾齊都好,細節位總係有啲是是但但。

有個原因(我唔中意賴但破例一次)可能係考試制度。咁自小份卷擺明係難,正常學生係唔會識做哂。所以99%正常香港人,諗都唔會諗自己execute到 100/100的可能性。去到關鍵位,每件事達成左60-70%後,手腳就軟,總係冇嗰個盡全力鏈落去嘅把握。

咁去到啲實務野(例如拍睇肉電視節目)就撞板:日日都交到B貨,硬係做唔到A貨。實務上,好多工序其實唔係挑戰黎。係 pass or fail,做到就得,唔需要努力奮鬥,亦唔需要對自己冇信心。咁你做事頭,列十個task出黎,個團隊成日做到5-6個就當合格,硬係冇一日係做齊野。

例如你真係響香港拍杉原個遊戲,個個重點都有能力跟足(pass)就硬係會冇左結尾,好認真宣佈成績果個哥仔。 個哥仔,好可能係導演編劇有寫到落劇本嘅,但條team硬係有少少野要甩漏,漏左請果個茄呢啡,拎嗰支大聲公,好正經咁講嗰句嘢。恨鐵不成鋼。呢個就係我認為,今日需要使用極端手段,去迫香港人支持改革的核心理由。

 

片源:https://youtu.be/gwlaARxyk3I

 

 

作者:技術官僚主義者

技術官僚主義者
讀政治經濟學出身,其實對時事冇興趣,入行純粹因為比較好搵

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 190246
Date: 2019-02-15 00:09:08
Generated at: 2019-03-22 15:07:12
Permalink: https://www.vjmedia.com.hk/articles/2019/02/15/190246/杉原杏璃值得香港人學習的地方