有手有腳都溝唔到女嘅人好應該反省吓。

 

我有個朋友,好啦be precise,if 佢當我朋友我都會當佢朋友嘅人啦,三十幾歲男人,直嘅,有手有腳,有學歷,樣都算係五官端正,無六尺二,但起碼超過香港男人平均嘅五尺七,身材中等只係偏瘦,最緊要,份工講出來都算decent 丫,大學講師喔。但係好人好姐,未拍過拖,用番時下年輕人嘅術語,係A0。

呢啲時候唔係話乜嘢,真係要向乙武洋匡學習下。人地寫書就叫《五體不滿足》,現實五體以外嘅下體就大滿足。

雖然佢天生身體有缺陷,但係佢面對女人嘅時候,從來無缺少我地男人應該有嘅爭勝心,遇到心儀嘅對象,佢唔會諗自己有乜不足,而係盡情將自己嘅優點,掩蓋佢天生而且絕對不能改變嘅缺點,去吸引女人嘅垂青。

香港有一部份男人,籠罩住一種被謔稱為「高登毒撚」嘅氛圍,將一切溝唔到女,都用「自己窮」,「女人貪錢」呢啲原因去含混過去,但現實係乜嘢?我上述某個朋友就係好例子,完全無關有無錢事,係講緊一個人有無心去溝女,面對女人,有無心trial and error 咁去摸索女人需要乜嘢,定係成日抱住天下間最on9 嘅諗法:個女人真係鍾意我就唔係貪我錢貪我靚仔貪我口甜舌滑(下刪三十萬字)。

正常嘅女人,除非職業需要,否則唔會揸住個check list,tick 曬啲格仔,下面就會濕,然後可以跟你上房,唔係咁,而係佢望住個check list,你唔做1-5項可能都得,因為你做到6-9項,然後原來送多額外嘅兩項,佢係happy 嘅。

毒撚最鍾意講嘅錢,可能係其中一樣,講真,喺香港呢個全民就業嘅地方,你話你失業,sor9ly,OK 便利店都日日請人,個討厭位唔係因為你失業無錢,而係因為連照顧自己嘅決心都無。

錢以外,唔送禮物得唔得?唔口甜舌滑得唔得?都得架其實,咁你會唔會日日去接條女放工?會唔會整甜品俾條女食?會唔會寫詩俾條女?會唔會幫條女執屋?唔係話要做曬所有野,亦唔會話做完一定得,唔同女人受唔同嘅嘢,問題係,你有無試?有無對唔同女人試?有無同唔同女人相處,直至搵到一個彼此欣賞嘅?

三十鳩幾歲人,想溝女但溝唔到女嘅,唔該反省下。香港咁多過三奔四入伍剩女,你有手有腳,A0,你話你做乜撚野。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 190513
Date: 2019-02-21 02:22:36
Generated at: 2020-02-21 23:25:03
Permalink: https://www.vjmedia.com.hk/articles/2019/02/21/190513/有手有腳都溝唔到女嘅人好應該反省吓。