審計雞

 

「以前以為大學畢業出嚟會係隻審計狗,
但出來做野之後先發覺自己原來係隻審計雞,
老細用三萬蚊包你一個月,一星期七日包過夜任屌」

老闆:「你個小騷貨,又想俾人操😏」(你係咪想俾人鬧!)

你:「aiiiya,老闆呢度大庭廣眾,唔係咁好嘅🙈」(咁多人係度,你唔好鬧我啦!)

老闆:「我要搞你要唔要㨂地方,就時間呀😏」(鬧你咪鬧你,仲要㨂地方呀!)

老闆將他沉重的身體壓向你的嬌軀,你一陣有氣無力的淫叫聲,此起彼落,最終以低沉的喘氣聲作結。(俾人媽媽聲咁鬧完,真係有氣無力)

呢個情境每日都上演,你已經分唔清楚你嘅正職係一個auditor,定係一隻雞,你只係知道你啲錢係有血有汗咁賺返嚟,老闆俾三萬蚊一個月你,佢要你點都得,什麼SM ,滴蠋都玩得。

以前讀大學,還沒有阿樹和審計新丁的page, 對審計這行業總係充滿幻想,個個都一表人才,又着西裝,至少都叫專業人士,同醫生,律師看齊。雖然知道會成日OT到隻狗咁,但為了專業呢兩個字,我還是狗衝左去逼科。

審計師,這個字在畢業生的眼中是維持香港金融市場的穩定和防範金融風險的中流砥柱,責任重大,所以才配上專業兩個字。

這幾年的審計生涯,令我們明白到什麼維持香港金融市場的穩定和防範金融風險的中流砥柱,都只是一個笑話,從來都沒有解決不了的審計問題,只有你願不願意去妥協。如何才是一份true and fair 的財務報表?只要老闆肯take risk 去簽,就是true and fair。作為下屬,你都係一隻雞,你所有的工作只是為了安撫和取悅你老闆去做,而它有沒有存在的意義呢?有些是有意義,但更多的是毫無意義。但你為何要做着沒有意義又重覆的工序呢?因為你要取悅你的上級,即使是毫無意義,但你上級都是完美又潔癖的精神病患者,為了來年的考核,你應該學懂怎樣去取悅你上級。

無盡的OT,凌晨3 點放工,沖涼完到可以瞓覺已經係凌晨4 點,之後,早上8 點半起床,10 點到公司,又是新一天工作的開始,之後又繼續工作到凌晨4 點。

你會話公司有俾人工你架,你講到咁慘仲咩,食得鹹魚抵得渴啦,你捱唔到咪resign,日日係度唱衰公司仲咩。

OT 係審計的常態,但正常唔代表佢係合理,難度你真係覺得一個攞8000 蚊嘅intern 要OT 到凌晨2 點係合理,難度一個senior 攞3萬蚊人工,但同樣OT 到兩點,個senior 就比intern better off 嗎?

其實senior 同intern 都無better off,better off 只有老闆,佢用一個比市價好一點嘅人工, 逼你們無怨無悔工作到星期一至星期日,隨時On call。你的朋友,男女朋友,你嘅健康,你嘅睡眠時間呢?為了那三萬月薪,你全部都可以置之不理。我們做了奴隸還不自知,還為自己有幾wok ,OT到幾夜為榮,但唔好忘記,你OT 係無錢收,你係for free ga。咁樣睇,連雞到不如,最少做雞每次工作都會收到人工,有附加服務又再加多小小錢,但你呢?你一毫子都無得收。

每個人留係度,總有他們的理由,但正常化的事情絕對唔代表佢合理,我哋唔應該叫同事食得鹹魚抵得渇,而是應該反醒這個行業有什麼問題,為何海外逼科OT 時間短好多,為何香港老闆會賤價接job,搞到上年有4 人的audit team,到今年得返兩個人做,為何逼科同事的水準每況愈下?因為大家都太忙,亦沒有時間做coaching and review working的工作。更不要說什麼job 疊job,更多不合理的情況發生。

我淨係知道個三萬蚊人工,買起左我一個月所有的時間,所有的睡眠,所有同親朋好友的關係,我只係知道,以前我以為自己係審計狗,上年以為自己係審計雞,到今年我發覺我連做審計雞都不如⋯⋯

 

 

作者:FAKE 文青

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 190713
Date: 2019-02-26 22:31:33
Generated at: 2020-06-04 22:47:26
Permalink: https://www.vjmedia.com.hk/articles/2019/02/26/190713/審計雞