早幾日有人響討論區開咗嗰post，標題為《等左 foodpanda 足足2個鐘》
簡單總結下樓主想講咩先，如果你唔想睇晒佢個post
話說呢個Post 嘅樓主就大約係話佢下午茶落咗張單，去到夜晚7點先至食到
我想講，以依家foodpanda咁樣嘅環境，有嘢食已經好好。
不過而家肚餓請勿嗌foodpanda，否則你會有好大機會餓死。
我寫呢篇嘢其實係主要見到好多人都響度鬧緊foodpanda
想同大家講下現實中嗌foodpanda發生緊咩事
foodpanda有好多人都嗌到好嬲，其實係有好多奇怪嘅事導致今日咁樣嘅局面。
所以，我想講下究竟foodpanda實際有幾低能，保證你睇完之後未必想再繼續嗌foodpanda
首先想講下某一個foodpanda有提供服務嘅地區，係服務區域嗰個面積好大嘅一個區嚟，服務區域嘅面積相信係全港之冠。佢提供服務嘅呢一個巨型地區裡面接近9成土地都係住宅嚟，根據政府資料顯示，區內人口超過60萬人。
響一個有60萬人嘅地區入面提供服務，但係響呢區負責工作員工數量竟然係少過5個人呀，係繁忙時間都係咁少人做嘢呀，我假設你成個區入面係得0.1%嘅人會嗌你foodpanda，你都有600個客呀～！！！！不過你唔好忘記你而家呢排係不斷賣電視廣告諗住搵啲新嘅客做大個餅架。
但係你呢區嘅送餐嘅員工數量竟然單手數得晒？？？？你呢一區嘅地理面積同埋人口都接近係全港之冠，你竟然係可以少過5個人響度做嘢？我想問，其實你響度做緊啲咩架？你肯定係提供緊外賣服務？
熊貓本身嗰派餐同埋送餐系統已經係好低能，低能到一個地步係可以做到「有單冇人做，有人無單做」，派餐系統講緊嘅係，作為顧客嘅你哋落咗張單之後，派單俾車手去送嘅嗰個系統
本身熊貓嘅每一張單都會有一個計時器，由一個正數時間去到一個負數時間
早排有個熊貓送餐員，佢接到張單，係一接到返嚟個計時器已經係負超過1個鐘呀，即係講緊一個鐘頭前張單已經要送咗俾個客呀，跟住仲要神奇嘅係，個師兄係重要響餐廳等餐呀，係去到餐廳都攞唔到食物呀～！張單係不斷地遲啲呀，個客食乜呀！！！！！！餓死咗啦
正所謂無圖無真相，所以有圖
呢啲單係好容易隨時都會響條街到搵到呀，想問個問題存在咗咁耐都無心去處理，想點呀？
有食客話上過去foodpanda 個facebook page 嘈過嚟，點知就俾人del 咗個留言
咁就不如響呢度欣賞下啲憤怒嘅食客響討論區嘅留言啦
有無餓親你阿？希望你留下有餐廳做宵夜生意啦
咁基本法都話你聽五十年不變啦
迷之音（袋X嘅聲線）：知唔知點解我咁勁呀，唔係因為我真係咁有料，而係有你件垃圾襯托住我咋
嘢食食晒咪無囉，好出奇呀？
冇錯呀，餐廳閂咗門又點會有食物提供俾你呢？
迷之音（熊X嘅聲線）：我哋明明諗住拖返幾個鐘先叫餐廳開始煮嘢食，然後我哋再搵人送，係餐廳咁早煮定搞到凍晒咋，關我咩事？
呢個係foodpanda 比你嘅試鍊嚟，考驗你同你女友之間嘅感情呀
另外為咗防止你foodpanda話啲網上啲留言係假嘅，係其他公司打手寫嘅，或者有人意圖屈你嘅。所以我親身試過嗌下嘢食同大家試下，而結果顯示，foodpanda真係好災難。
有一次我試過夜晚六點半落單，落單嘅時候同我講話四十五分鐘後到，然後我夜晚八點三先至攞到食物呀～！！！！！
另外，我試過有一次夜晚九點去嗌一間連鎖茶餐廳，我係去嗌嗰碟頭飯食
然後第一次落單之後，收到個訊息係話無個樣嘢食，要取消我張單。咁我咪嗌其他嘢食囉
第二次落單，我又收到個訊息係話無個樣嘢食，要取消我張單。
然後到第十次，我都係收到個訊息係話無個樣嘢食，要取消我張單。
我想問發生緊咩事呀？
一間茶餐廳嗌牛無牛，嗌雞無雞，嗌焗飯無焗飯，連熱檸茶都嗌唔到呀～！！！
foodpanda，想問聲關唔關你事呢？一間連鎖茶餐廳乜都無得食？你覺得呢個講法合理嗎？
第十次落單已經係十點半
然後我亦都試過響下晝三點嗌餐，要求夜晚十點半送到，咁呢張單係預約定你先嘅，咁應該你哋有大量時間處理啦？
然後我十點收到嗰訊息，「唔好意思，食物售罄，我哋要取消呢張單啦」
吓？落單之後計起有接近成八個鐘頭比你聯絡我，你都唔聯絡我，然後臨送餐前三十分鐘話食物售罄？你哋竟然講得出口架喎，痴線架？
最後，忠告各位，而家肚餓請勿嗌foodpanda，否則你會有好大機會餓死。
【遊戲新聞】不再延期承諾食言 《Dying Light 2》再度延期至明年年初並保證有驚喜
如何成為護士？（包括登記護士與註冊護士）
【轉工適用】Reference Check 又黎料啦
Zopiclone——傳說中的安眠藥「白瓜子」
陳法拉呢種女人，蘭桂坊無一萬都幾千
《彼岸島》絕對是我人生中看的其中一套最令我無言的漫畫。
2019年3月1日
