港女——人生只為搵仔埋單

圖:港女講日:「好想同你組織家庭!」男人真心想結婚嘅10大理由

 

有位富二代老友,咁佢家族都講學歷講實力,喺大陸幾享負盛名嘅。阿公子對香港嘅分析,素來精闢。我成日話,本地人班中產,只會死於逸樂。未來撐起香港全壁江山嘅社群,肯定係港漂(你睇其實激進前途問題討論人士亦是新移民)。肯定唔係多講問題,少講答案,揸BNO 嗰啲土生土長波希米亞小資。

關於溝女,果位公子說的是,香港女仔冇乜嘢唔好,最大問題係,廿幾歲果批,每一個(係佢見到既每一個)都淨係喺度想儘快搵條仔埋單,以後唔使做。咁我啲革命青年梗係補充,話係時代倒退啦:省略自由拍拖戀愛、互相理解過程,追求婚後依賴老公過活,擺明係回歸清朝盲婚啞嫁,計劃婚姻嗰個時代精神。

呢個周顯都從另一個角度講左:佢話港產片做casting,今時今日係完全冇港女肯除衫。因為佢哋每一個想參與電影工作,台面個目的,都是以最低犧牲成本,獲取「香港女星」身份頭銜,然後結識同嫁有錢仔。所以呢個時代,香港莫講話鞏俐,湯唯都唔會孕育到半個出來。

呢個「悲慘世界」現象,我從港男港女,兩方面解讀。

先講男。 過去十年,其實全世界都喺度沉淪。香港唔同鄰近地區比較時,就覺得自己一路沉緊;但一同人比,其實自己原來相對地位上升緊。以台灣為例,震驚13億人的現實是,你喺台灣月入過到港幣2萬,已經係全台top 10%。 而香港人工中位數,已經係港幣萬八,90 percentile 講緊月入六萬。你響香港,係可以大學都未讀過,走去當差,做老散入職都兩皮半。 如果你土生土長,唔使交租,唔使供樓,其實純呼吸已經喺東北亞 & 東南亞首屈一指。

所以香港d女一出道就劍指「搵條仔埋單」,其實係區內命中率最高選項。

再講女。既然香港咁多 household 儲蓄都幾球,條仔逗到兩三萬,已經可以一年去幾次旅行,佢哋做乜嘢要咁積極做人呢? 仲有上文已經略略提到,就係女權運動係香港失敗。今日香港嘅女,除非你係每個cohort 考到做教書、護士果1000幾人, 否則幾咁多話自己做 “generalist” 果d, marketing, PR, HR, admin職系, 大部分做到退休都唔會有三皮嘢一個月。完全係沉淪世界。

呢個同90年代大學普及化,同吹水科成行成市有關(我對多人入大學係支持,但好多學系根本無實際技術,需要清黨)。

唯物主義去諗,經濟基礎決定社會組織方法, 所以有咁多港女,將個希望擺喺近水樓台先得食,急於專注於搵條香港仔,埋自己單。結論係,與其賴共產黨清洗(ethnic cleanse)土生土長香港人口,不如話係過去左派在香港社會干預不足,錯過00年代,將港女布什維克 化的最後窗口。今日回頭,已經太遲了。

 

如果你中意睇,就分享一下啦~

 

 

作者:技術官僚主義者

技術官僚主義者
讀政治經濟學出身,其實對時事冇興趣,入行純粹因為比較好搵

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 190912
Date: 2019-03-05 06:32:03
Generated at: 2019-03-19 10:47:25
Permalink: https://www.vjmedia.com.hk/articles/2019/03/05/190912/港女-人生只為搵仔埋單