到底女性想要一種點樣嘅平權?

 

又到三八婦女節,緊係要講下婦女重重視嘅問題:「男女平等」,或者最近好鐘意叫嘅「平權」。

早前喺Facebook見到個Post,內容又係嗰啲想第日個老公點點點,最緊要有啲咩條件咁。好多人都話男人一定要搵到錢,就算唔係大富大貴,起碼要照顧到屋企應付到屋企開支、要識做家務,唔好成日當個老婆係工人;當然最好就識煮飯,話識煮飯嘅男人特別有魅力咁話。講到咁好,當然大把人附和啦。

等等先,工又佢返家務又佢做連飯都煮好埋,咁個老婆呢?

我好讚成識煮嘢食嘅男人好吸引,會去做家務都好細心,可以一個人撐起成頭家好Man添。但當而家咁多女性開口埋口平權,點解男人要返工就理所當然,然後個男人唔可以一個人養起一頭家就係失敗,唔好考慮佢,而唔係公一份婆一份去合力支持個家庭呢?又點解男人肯做家務係細心錫老婆,女人做家務就係老公唔知個老婆做家務好辛苦粗心大意?

女性團體成日覺得佢地生活喺「父權社會」,而家好多不公嘅事都係由以前重男輕女嘅觀念再流傳落嚟。照佢地咁講,「男主外,女主內」都係其中一種,所以佢地成日都會強調家務又好,煮飯又好,男人都應該幫忙承擔,唔應該淨係由女人做,因為咁樣好大男人主義,好父權。

咁點解我冇點聽過有女團會支持女性出嚟做嘢,幫男人減輕家庭經濟壓力?

其實支持平權唔係問題,人人平等嘛,依個本意係好好,大家一齊做,無分你我。但好多所謂女團只係會一直喺自己「蝕緊」或者「做緊」嘅嘢上面大聲呼叫,要求女性待遇「提升」到同男性一樣(例如係平均人工或者管理層數目)同埋男人應該要做埋一份(就好似家務煮飯依啲),但點解喺比禮金、返工搵錢、性侵犯男性絕對劣勢方面喺「父權社會」當中得到嘅好處佢地唔會討厭,拒絕,照單全收?又唔見佢地高呼「女人都可以係強姦犯」或者「支持男女各比十萬禮金對方家長」?

佢地根本冇資格講平權,更甚者好多女團只係貪心,佢地只係借助平權依個風氣去試圖貪更多好處。

我要重申多次,我覺得平權係一件好事,我都好尊重會出嚟工作幫輕老公或者冇返工但家務工作照顧小朋友一腳踢嘅女性,但偏偏就係一班但求釣金龜發達日日行街買手袋唔洗做嘅拜金女同要拎盡好處嘅女團下下走出嚟打住女性同弱者嘅名號喺到做埋啲咁令人討厭嘅行為。情況就好似你話中國人都有好人,但我一聽到中國人就反胃因為真係太多仆街一樣。

我居然敢寫依篇嘢,我諗我痴咗線。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【龍緯汶與南亞小女童】孌童變戀童,社民連杜振豪引述「兒童性自主」即係乜嘢取態? by 容樂其
    當個讀緊小學嘅細路女,被反對派同路人搞,佢地唔係立即出來譴責,而係顧左右而言他,又扮曬野喺度剖析下個社會,玩下思想實驗,玩下講理念,突然煞有介事同你講,兒童可以有性自主架。…
  • 溝俄妹的技術研究 by 技術官僚主義者
    平心而論,俄妹同香港女仔嘅主要分別,係佢哋平均得分較極端:大部分唔係高過70分,就係低過40分;香港女仔係完全相反。大部分人在40至70分區間,成日見啲女有80分,已經俾窮ABC狗衝。因為中庸之道嘛。好似係。即係高過70分會俾同事/同學鬧死…
  • 雞蟲同埋鳳姐都睇唔起龍緯汶。 by 容嬤嬤
    護士姊妹見得社會陰暗面多,佢好感概呀,呢單野,一聽到就義憤填膺嘅,反而係啲爛身爛勢嘅人,妓女嫖客會睇到嬲;而嗰啲道貌岸然嘅呢?就唔知去左邊。…
  • 桃色醜聞都有分檔次嘅年代——姚子羚係受害者??? by 白木乩
    網絡流傳,今次姚子羚係「受害者」,即係咁講啦,個情郎話搞離婚,不過原來瞞住佢仲有第二個,夾埋即係四個人咁多,而俾相蘋果嘅相傳係個大婆咁話。…
  • 龍緯汶社區服務的不道德軌跡 by Su子
    先是送禮物、貼著一起拍照;後來主動當孩子的保姆,以增加二人一起單獨相處的機會;到父母已經完全信任,就買三點式的泳衣給孩子,更一起在更衣室拍照;再常常邀請女童到自己家中過夜、於床上擺出各種特別的姿勢一起拍照;然後,終於得到了和女童二人一起外遊…
  • 大學平凡事——想出軌就出啦,講乜吖你 by 蛋捲蝦子麵
    成日話兩個人相處需要互相忍耐,無一個完美嘅人可以配合到天衣無縫,無兩個人相處嘅時候可以無摩擦。但係究竟宜家嘅呢一個人係咪值得自己去忍耐,去等待,定係抑或應該搵過另一個人呢?呢啲問題嘅答案肯定係無解嘅,因為愛情本身就無標準答案,只係睇吓兩個人…
歡迎讚好我們的facebook page,免費資訊源源送上。

文章資訊

ID: 191040
Date: 2019-03-09 00:36:03
Generated at: 2019-05-21 15:57:31
Permalink: https://www.vjmedia.com.hk/articles/2019/03/09/191040/到底女性想要一種點樣嘅平權?