《起風了》:以愛為名,你還願意嗎?

 

機緣巧合下,聽到了《起風了》這首歌。歌曲一開首是一段小小的清唱,歌手一開腔我就:「嗯,係青峰既歌」。聽聽下,係似曾相識既旋律。後來先知道,原來係《深宵食堂》既主題曲翻唱。歌曲富有詩意、既美麗又特別,原來早在一月時上架,為何現在才聽到阿。

呢首歌一聽就停唔到,我相信每個人對歌詞既感悟都唔同,而歌曲帶比我既畫面,係一個飽歷滄桑既人在細說一段真摰既感情,又或者可以話係一個浪子既故事。

「我曾難拔於世界之大 也沉溺於其中夢話」

歌曲前半都是講述主角漂流既歷程。的確,隨著成長,發現原來世界真係好大。有時係人生道路上,會不甘於平淡亦不甘於平穩。世界既大,充滿著未知、神秘以及誘惑。年輕既時候都會蠢蠢欲動以及動搖,想好好把握呢個無咩可以輸既年紀,走出去認識世界、看看世界,去體驗新既生活新既人生。「邁出車站的前一刻,竟有些猶豫」,要踏出自己既舒適圈的確唔容易,無可避免地會懷念過去溫暖而又美好的日子—「而長野的天 依舊那麼暖 風吹起了從前」。

無論會有幾懷念,在初識這世間的大時,仍然希望可以冒險出去走走,好多前人都會指導路應該要點走,又或者會指出咩路先係正確。但預期去走別人走過既路,有時候更希望可以跟隨自己既想法一次,嘗試走自己所定下既方向去闖下,任性試一次—「看著天邊似在眼前 也甘願赴湯蹈火去走它一遍」。

或者呢條路未必係岩,可能係好多人眼中係幾咁可笑、幾咁荒謬、幾咁錯,行緊一條不被看好既路都好,就係難拔於世界之大亦沉溺於其中夢話,那就「逆著光行走 任風吹雨打」。

睇到呢到,覺得有點激動,呢種猶豫呢種動搖其實好貼切好真實。

「你的眼中 明暗交雜 一笑生花」

歌中主角由回想當初對冒險既堅定以及對世界既渴望,轉到去係世界中遊走過經歷過後既日子。一路上停停走走,世界太大,呢一段路走得唔係話好長但總叫做有一段日子。得到既可能係幾段唔同既往事或者唔同既體驗。回頭望既時候,「再次看到你 微涼晨光裡 笑得很甜蜜」聽到呢度,覺得好有意境好感動。當以為所有野都因時間流逝而變得物是人非既時候,仍然有那麼的一個人為你留下溫暖既笑容,無論大家點成長都好,你依舊係你。

Chorus 部分再次唱起,呢次唔再係交代點解要出外走走。而係回憶起當初離開時既自己,翻過許多歲月後,發現駐進心裡既仍然係對方既笑容既感動。「你的眼中 明暗交雜 一笑生花」,而對方亦給予主角多麼的堅定阿。呢一句係成首歌入面,我覺得最印象深刻既一句。

最後主角可能都被感動,發現世界再大都難以一一看清,唔再需要去看清真假、亦唔需要再去掙扎。心之所動?隨風而去吧。將青春交還予對方,希望珍惜身邊人,並且以愛為名去問對方是否還願意一同守護呢份愛。

我唔知有無人睇到呢到,會覺得其實呢個係一個渣男貪新鮮玩夠了回頭搵舊愛既故事。但對我自己黎講,呢種故事好真實、好真摰同美麗。

我相信無人係完美亦無人係聖人,人一生成長,世界咁大變數亦好大。對世界既憧憬、對未來既既期盼、對引誘既動搖等等其實都係好真實會面對既事情。而呢個故事對我黎講,美麗既地方在於當主角不顧一切去探索過後,驀然回首,原來對方仍默默等待。或者係因為愛,願意為主角去暫時保留住個一份感情;或者因為愛,願意保留個份溫暖同微笑;或者因為愛,願意讓對方自由遠走去探索世界。

如果有一日,你成為左一位浪子既時候,請好好珍惜身邊仍然為你守護住呢份真情同笑容既人。

《起風了》令我不禁憶起生命中既那位他。除左反問自己係咪都可以為對方留住份愛情默默等待,亦不禁反思係現今呢個世代,係咪仲有呢份咁令人感動既真摰感情存在。

以愛為名,你,還願意嗎?

 

作者:自盈其說

辦公室中一名小嘍囉。多愁善感,對很多事總有些莫名感悟,愛痴人說夢話,自說自話。

閱讀後覺得好,請多多讚好及分享~:)

其他熱門文章

  • 【龍緯汶與南亞小女童】孌童變戀童,社民連杜振豪引述「兒童性自主」即係乜嘢取態? by 容樂其
    當個讀緊小學嘅細路女,被反對派同路人搞,佢地唔係立即出來譴責,而係顧左右而言他,又扮曬野喺度剖析下個社會,玩下思想實驗,玩下講理念,突然煞有介事同你講,兒童可以有性自主架。…
  • 溝俄妹的技術研究 by 技術官僚主義者
    平心而論,俄妹同香港女仔嘅主要分別,係佢哋平均得分較極端:大部分唔係高過70分,就係低過40分;香港女仔係完全相反。大部分人在40至70分區間,成日見啲女有80分,已經俾窮ABC狗衝。因為中庸之道嘛。好似係。即係高過70分會俾同事/同學鬧死…
  • 雞蟲同埋鳳姐都睇唔起龍緯汶。 by 容嬤嬤
    護士姊妹見得社會陰暗面多,佢好感概呀,呢單野,一聽到就義憤填膺嘅,反而係啲爛身爛勢嘅人,妓女嫖客會睇到嬲;而嗰啲道貌岸然嘅呢?就唔知去左邊。…
  • 桃色醜聞都有分檔次嘅年代——姚子羚係受害者??? by 白木乩
    網絡流傳,今次姚子羚係「受害者」,即係咁講啦,個情郎話搞離婚,不過原來瞞住佢仲有第二個,夾埋即係四個人咁多,而俾相蘋果嘅相傳係個大婆咁話。…
  • 龍緯汶社區服務的不道德軌跡 by Su子
    先是送禮物、貼著一起拍照;後來主動當孩子的保姆,以增加二人一起單獨相處的機會;到父母已經完全信任,就買三點式的泳衣給孩子,更一起在更衣室拍照;再常常邀請女童到自己家中過夜、於床上擺出各種特別的姿勢一起拍照;然後,終於得到了和女童二人一起外遊…
  • 大學平凡事——想出軌就出啦,講乜吖你 by 蛋捲蝦子麵
    成日話兩個人相處需要互相忍耐,無一個完美嘅人可以配合到天衣無縫,無兩個人相處嘅時候可以無摩擦。但係究竟宜家嘅呢一個人係咪值得自己去忍耐,去等待,定係抑或應該搵過另一個人呢?呢啲問題嘅答案肯定係無解嘅,因為愛情本身就無標準答案,只係睇吓兩個人…
歡迎讚好我們的facebook page,免費資訊源源送上。

文章資訊

ID: 191044
Date: 2019-03-09 05:25:03
Generated at: 2019-05-21 15:57:20
Permalink: https://www.vjmedia.com.hk/articles/2019/03/09/191044/《起風了》:以愛為名,你還願意嗎?