結婚太久,激情不再?

 

「激情呀!我要激情呀!」 當了10年人妻的JJ 像發情的小貓喵喵叫。
小美聽後露出猥瑣的笑意。「得喇得喇,一陣等姐姐帶你去買大人玩具。」
JJ 向她揮拳。「唔係講果啲呀,衰人。」
二人不禁大笑起來。

她倆相識多年,由小學到大學,一起共度多個學年。JJ 的葫蘆裡裝什麼藥,小美懂得一清二楚。至於JJ的現況,她比JJ的家人更為了解。

JJ與老公拍拖3年,結婚10年,育有一子。兩夫妻每日各自返工放工,生活早已平淡如水。

「一齊咗十幾年,都變咗家人喇。」JJ 苦笑。
「一般夫妻冇變仇人已經可以劏雞還神,其實你已經好幸福架喇。」小美拍拍她的膊頭。
「但我想像唔到未來二、三十年都對住佢。」
「咁你搬去老爺奶奶度住咪唔駛對住佢囉。」
「佢真係好悶,冇啲情趣架。」
「每晚叫你老公跳艷舞你睇囉。」
JJ聽後只是搖頭苦笑。

幾個月後,她們又來到茶餐廳吃下午茶,沒見一段日子,JJ 變得神采飛揚,一洗當日愁容。

「嘩,去咗韓國呀?靚咗喎。」小美打趣地說。
「咪玩啦,呢排做多咗 Facial 啫。」
說著,JJ拿出手機查看訊息,臉上更泛起微微笑意。
「睇嚟你嘅激情呼喚成功喎。」小美嘲笑道。
JJ 點點頭,但並沒如期中甜笑。只見她尷尬不安,更著跡地迴避小美的目光。

在小美的觀察下,感覺事有蹊蹺,但她並沒有追問,因為若然JJ不想說,自有她的原因。

美食當前,小美也不再深究JJ 的反常,只是愉快地享用下午茶。

等到小美啜下飲品裡最後一粒珍珠,JJ 便緩緩問:「我下星期過台灣玩,你想要咩手信呀?」

小美咬著珍珠地思索,但重點不是台灣手信,而是想起JJ 老公根本不喜歡旅行,長洲已是極限。
「好少聽你講去旅行喎。」她遲疑著。
JJ 嘆息了卻又微笑,非常矛盾。「係啦,終於可以去旅行了。」

簡單一句話,小美卻仿似聽作:「係啦,終於自由了。」

出軌一詞不其然地在小美腦中閃過,她不自覺地張開雙唇,欲言又止。「你。。。」
JJ像看懂她的想法,突然打斷對話。「你諗到要咩就WhatsApp 我啦。」她匆匆地拿起手袋及單據。「今餐我請。」然後『雞咁腳』的往收款處去。

看著JJ 的背影,小美察覺到一種不曾存在的距離感,這種感覺令她有點失落。分別過後,小美獨自到銅鑼灣散步,她想盡快忘掉這份失落感。

但世界真細小,在一個馬路之隔,小美驚見JJ左手抱著玫瑰,右手則拖著一名男子,但那人並不是她的老公。那男子溫柔的凝望她,不時在她耳邊微微細語,更將JJ 拉近自己,然後在她臉龐上印下細吻。他們互相依偎,活像少女漫畫中的熱戀情人。

小美驚訝得腦中一片空白,還來不及反應,他們便消失於人群中。接著,她的手機突然響起,她一看之下,不禁啞笑。因為來電者正是JJ 老公,吳泰強。

 

 

作者:朱利


朱利

辦公室打雜一名,最叻扮工,最快放工。FB Page: https://www.facebook.com/talkingbooksnfilms/

閱讀後覺得好,請多多讚好及分享~:)

其他熱門文章

  • 【龍緯汶與南亞小女童】孌童變戀童,社民連杜振豪引述「兒童性自主」即係乜嘢取態? by 容樂其
    當個讀緊小學嘅細路女,被反對派同路人搞,佢地唔係立即出來譴責,而係顧左右而言他,又扮曬野喺度剖析下個社會,玩下思想實驗,玩下講理念,突然煞有介事同你講,兒童可以有性自主架。…
  • 溝俄妹的技術研究 by 技術官僚主義者
    平心而論,俄妹同香港女仔嘅主要分別,係佢哋平均得分較極端:大部分唔係高過70分,就係低過40分;香港女仔係完全相反。大部分人在40至70分區間,成日見啲女有80分,已經俾窮ABC狗衝。因為中庸之道嘛。好似係。即係高過70分會俾同事/同學鬧死…
  • 雞蟲同埋鳳姐都睇唔起龍緯汶。 by 容嬤嬤
    護士姊妹見得社會陰暗面多,佢好感概呀,呢單野,一聽到就義憤填膺嘅,反而係啲爛身爛勢嘅人,妓女嫖客會睇到嬲;而嗰啲道貌岸然嘅呢?就唔知去左邊。…
  • 桃色醜聞都有分檔次嘅年代——姚子羚係受害者??? by 白木乩
    網絡流傳,今次姚子羚係「受害者」,即係咁講啦,個情郎話搞離婚,不過原來瞞住佢仲有第二個,夾埋即係四個人咁多,而俾相蘋果嘅相傳係個大婆咁話。…
  • 龍緯汶社區服務的不道德軌跡 by Su子
    先是送禮物、貼著一起拍照;後來主動當孩子的保姆,以增加二人一起單獨相處的機會;到父母已經完全信任,就買三點式的泳衣給孩子,更一起在更衣室拍照;再常常邀請女童到自己家中過夜、於床上擺出各種特別的姿勢一起拍照;然後,終於得到了和女童二人一起外遊…
  • 大學平凡事——想出軌就出啦,講乜吖你 by 蛋捲蝦子麵
    成日話兩個人相處需要互相忍耐,無一個完美嘅人可以配合到天衣無縫,無兩個人相處嘅時候可以無摩擦。但係究竟宜家嘅呢一個人係咪值得自己去忍耐,去等待,定係抑或應該搵過另一個人呢?呢啲問題嘅答案肯定係無解嘅,因為愛情本身就無標準答案,只係睇吓兩個人…
歡迎讚好我們的facebook page,免費資訊源源送上。

文章資訊

ID: 191074
Date: 2019-03-10 02:11:10
Generated at: 2019-05-21 15:55:46
Permalink: https://www.vjmedia.com.hk/articles/2019/03/10/191074/結婚太久,激情不再?