【外賣仔日記】寶貝智多星現實版——有電視聲,但單位入面無人. . .

 

大家有冇睇過一套電影叫做《寶貝智多星》(Home Alone)?故事係講述有個細路,全家響假期去晒旅行,但係竟然留低咗佢響屋企,導致佢成個長假期都要自己一個。有一晚佢見到好似有賊想入屋打劫,佢運用佢嘅急智將間屋扮到有好多人咁,令嗰兩個賊人唔敢有所行動。

我之前送咗單外賣嘅環境直頭同套戲係一模一樣嘅,不過唔係有人播一盒錄影帶去趕走我,而係扮到屋企有好多人,但係事實係無人嘅。不過唔好意思,我唔係一個大賊,我係一個外賣員,你屋企有人係應該嘅(因為真係有啲人嗌咗外賣都可以走咗去)。

咁個一個住宅本身就比較嚴啲嘅,你響地下大堂登記完之後係要由保安員陪同你上樓,直至你離開幢大廈之前都係有人陪同你架,本身呢幢大廈啲客都好少話有咩問題嘅,咁我都以為送上去係好簡單啦,但係當我同個保安上到個客嘅門口,神奇嘅事就發生啦。

響門口個陣聽到屋入面有電視聲,但係我就梗係唔會好似電影入面嘅嗰兩個大賊Harry 同埋Marv 咁樣走咗去啦,畢竟你有電視聲,咁即係有人會接收外賣啦。我就去撳佢門鐘

叮~噹~!叮~噹~!

過咗十幾秒,無人開門喎。我又再撳

叮~噹~!叮~噹~!

咁其實呢啲情況時有發生嘅,可能個客啱啱沖緊涼,要著返件衫同條褲先可以開門啦,又或者佢哋做緊愛做的事情要啲時間還完現場呢,但係呢兩個情況通常啲客都會大聲嗌出嚟叫我哋等等先嘅。

好可惜,無人響屋入面大聲嗌出嚟,但係我要重複多次,屋企係有電視聲。

陪同我上樓嘅保安開始拍門,當然啦,邊到會有人開門俾你姐,門鐘都冇人應,敲門更加無啦,如是者我哋兩個係咁撳門鐘同埋敲門都無人開門,我就打電話比個客(BTW,真係好少試過響住宅門口要打電話,咁神奇都好少會發生),當然啦,無人聽。

我之後唯有搵公司處理啦,響我等緊公司覆我之際,我問緊個保安可唔可以放門口,因為呢幢住宅係比較高級,所以問清楚好啲(其實我唔係第一次上嚟,但係真係未試過咁,所以要問)。結果佢話唔得,嗰陣係繁忙時間,公司都比較忙,我嗰陣排緊隊等候公司回覆,而個保安係咁繼續敲門,希望有人開門。

我見嗰保安係咁敲,我同佢講,「你敲又三十六,唔敲又三十六,對自己隻手好啲啦,敲得多痛架」然後公司覆返我都話,佢哋都嘗試過聯絡嗰客,都係失蹤,而且保安話唔可以放門口,我之後就同個保安落咗樓啦,我就可以離開,而公司就話食物就由我自行處理。

本身留下有兩個保安員,一個負責帶我上樓,一個負責登記。而今次個客係嗌甜品嘅,而且嗰度有三碗甜品,現場保安員連埋我有三個人一人一碗啱啱好,之後大家就有份宵夜食啦。

 

專題:【外賣仔日記】

 

 

作者:外賣仔

外賣仔

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 191098
Date: 2019-03-11 05:57:24
Generated at: 2022-08-11 19:35:26
Permalink: https://www.vjmedia.com.hk/articles/2019/03/11/191098/【外賣仔日記】寶貝智多星現實版-有電視聲,