【所謂養育之恩】生仔係一種自私嘅無私,養兒係自私之後嘅責任

 

 

生仔,成咗年嘅人嚟講,的確係一個好大嘅課題。年少嘅,可能因為拍拍下拖攪大咗個肚而不知所措,二十幾歲嘅,可能因為想盡快生BB,儲多啲錢之後成家立業,三十幾歲嘅,可能會驚做高齡產婦,五六十歲嘅,可能就會因為想抱孫而比說話仔女同佢地嘅伴侶聽。以上種種,都可以顯示到生仔呢樣野,其實長期係唔同人個腦入面。但究竟生仔,育兒呢樣野嘅本質係啲咩?雖然我係入世未深,但我都希望係我未比呢個社會洗腦之前,寫低究竟二十幾歲嘅我,對生育呢樣野嘅睇法。

有好多人都話,生仔乃眾人之事,的而且確,絕大部份華人係考慮生唔生仔嘅時候,都需要考慮好多人嘅意見,老一輩就可能想抱孫,一家親戚好友閒時又會問下你幾時生返個玩下。但同時,你又驚你生咗之後,老細又覺得你可能要掛住生仔而唔升你住,總而言之,生好唔生好,都係集自己同埋集體嘅決定而成。

但講到底,集題嘅意見唔會令到你仆野唔戴套,如果你話係大家嘅壓力令到你要生BB,換個角度去睇,其實你係想顧存呢班Stakeholder 嘅感受先至生BB,亦都即係話,生仔呢個決定,哪怕你係無私地想好多人開心都好,其實呢個係你主觀嘅價值判斷使然。

另一方面,基於生物結構,同埋生物求生本能嘅問題,我地亦都好難得知其實本身個BB 其實想唔想出世。呢樣野基本上係佢未經歷過呢個世界之前,係下唔到定論嘅。亦都因為咁,好多時學校嘅教育都會主張我地要熱愛同埋珍惜生命。但係如果從呢啲價值抽身,理性咁看待自己出世嘅呢一件事,我相信只要係見過世面,知道現實係啲野嘅群體,有唔少人都會選擇寧願無出世過。

基於以上兩點,我地可以得出一個結論,就係生命嘅誕生,從來都係基於父母嘅意願,將之說成自私,亦不為過。

由於生仔係一個自私嘅決定,個仔生咗出嚟亦都無得揀,變咗養仔就成為咗一個自私決定埋單嘅過程,畢竟一個人未必係想出世,你局咗佢出世已經夠慘。如果生出嚟仲要無人理,無人養,咁就無論係完全無考慮過個仔嘅感受。而既然你都真係唔理,同時你都無罪惡感,咁點解唔戴袋?又或者意外懷孕嘅,點解唔落咗佢?

好啦,到個仔真係出咗世啦,由於呢個係一個自私嘅決定,係道德上,你自私嘅決定係唔應該由呢個社會去埋單 ﹝講緊基本生存果種,教育呢啲係為咗社會之後嘅棟樑,係一定程度上係一買一賣﹞,所以養仔呢個責任係必然地落係父母身上。大家要記住,我講嘅係責任,你去滿足一個責任,就好似你返工盡時咁,係你By default 應該要做嘅野嚟,係道德上係唔會值得讚譽嘅地方。所以每當有人話「呀爸呀媽幾唔著都好,起馬你都棉乾絮濕湊大你。」喂Sorry,佢付出幾多都好,佢都係做緊自己嘅責任,係佢應該做嘅事。情況就好似你住大西北返南區但做到準時返工咁,係你係付出好多,但你有無諗過,你點解要Apply 呢份工?工,有時因為工種問題,好多人可能無得揀,但係生仔,你有得揀啦掛?

是福是禍都好,果係自己種出嚟嘅,你要後悔我唔阻你,但你要將個道德責任推落我度?學細龜話齋,屌人老母唔洗付出代價呀?計我話,屌你自己個仔個老母,都要付出代價架。

總括而言,生命嘅誕生,並唔係突發嘅事,而係係你開始籌劃,之後有決定性嘅一晚,再之後有九個月嘅決定期比你,加埋起馬有一年比你決定﹝事實上係要更多時間去預備﹞,如果你係呢段時間做嘅野,係並非經過籌劃嘅,你生個仔出嚟係想佢同你一齊捱?如果我係做精子果陣已經知呢回事嘅,我驚你不育炸。

 

 

作者:麥精維他奶

麥精維他奶

閱讀後覺得好,請多多讚好及分享~:)

其他熱門文章

  • 我今年二十歲,醫生話:「你有皰疹,即係性病呀。」 by 阿支阿佐摩洛哥
    網上好多人認為只要個女人食咗避孕藥,就可以盡情扑野,任食下仔仔囡囡都唔怕。而有更多人亦都唔知,生飛滋唔好幫人口交。…
  • 【90歲】LEGO Ideas 迪士尼黑白米奇蒸氣船 4月駛到嚟 by 阿九
    LEGO Ideas 2018 第二輪票選結果出左都只係一個月,當中嘅由 Tim Courtney 創作嘅   […]…
  • 某些香港人的奇怪狀態 by 健吾
    在很多「泛民支持者」之中,其實有一種人,是很特別的。跟他們辯論。會學到很多事情。2014年的時候,我曾經說過,我希望更多人關心政治。到2019年,這五年後,我開始覺得有些關於香港人理解政治的問題,慢慢浮現出來了。…
  • 洋相 by 健吾
    小時候,家貧,家人都沒有教什麼。但人越窮,就越怕人看不起。所以,就算家中沒有一個錢,他們都很害怕我們「穿起來很不好看」。母親常掛在口邊的一句說話,就是「你穿起來像個乞衣」一樣。…
  • 其實女仔得一個要求! by 小銀花
    我啲姊妹嘅男朋友最後咪又係甩皮甩骨,有啲重好爛賭添……如果女仔真係可以咁無情淨係睇條件,就唔會有咁多女人成世都離唔開某個男人,最後重做埋二奶生埋仔添啦。喺女性嘅世界,感情根本係大過天,話知你失學失業失明失聰,如果真係鍾意你,而你又真係好好咁…
  • 只是發生性關係的關係,其實根本沒有關係 by 萬忽瑪利亞
    「其實我有女朋友,你會唔會介意?」一般情況我都唔介意,更何況大家都已經喺張床上面,仲有乜好介意?…
歡迎讚好我們的facebook page,免費資訊源源送上。

文章資訊

ID: 191107
Date: 2019-03-12 00:22:26
Generated at: 2019-03-21 06:45:29
Permalink: https://www.vjmedia.com.hk/articles/2019/03/12/191107/【所謂養育之恩】生仔係一種自私嘅無私,養兒係