只是發生性關係的關係,其實根本沒有關係

 

 

「其實我有女朋友,你會唔會介意?」一般情況我都唔介意,更何況大家都已經喺張床上面,仲有乜好介意?

根據非正式統計(其實只係我自己統計),約炮嘅男人十個入面有八個都有女朋友,一個有老婆,單身嘅有一個至半個咁上下啦!(有半個自稱單身,有半個真係單身)感情狀況呢d野通常都係佢地自己講就講,我好少會主動問。因為與其話我唔介意佢有女朋友,倒不如話我覺得佢有冇女朋友其實唔關我事。

講真大家約出黎喺間房共度兩個鐘,呢兩個鐘就係我地關係嘅全部。入房前你我無任何關係,即使呢兩個鐘發生左關係,當大家離開房間,其實呢段關係根本沒關係。講真如果大家夾嘅話,有需要咪再約囉,唔夾嘅話就唔會再見,咁其實大家喺各自嘅生活中,係一個點樣嘅人,你有無女朋友,甚或至係男朋友,又關我撚事咩!(講返人話舒暢好多!哈!)

雖然講到好似好冷漠咁,但其實喺嗰兩個鐘內我係會盡力地投入角色,令大家都可以得到滿足,歡愉地離開房間。自然咁傾計令大家相處得自然無咁緊張係需要嘅。如果佢地願意講自己嘅背景同故事,我都會好樂意聽。佢地嘅故事當然包括佢地嘅感情生活。

有另一半都出嚟搵食,最基本嘅原因就係女朋友滿足唔到佢哋嘅性需要。試過有男仔話同女朋友只係限於愛撫同口交,但無扑野,我即時嘅反應係「你條女基督徒嚟㗎?」因為信教嘅人最鍾意自欺欺人,只要唔將陰莖放入陰道,就當自己冇性行為,無犯姦淫罪。佢笑住話唔係,女朋友冇信教,只係有啲保守。我心諗原來呢個年頭仲有咁多陰道處女。

而聽得最多就係拍左拖一段長時間,已經對對方冇乜feel,亦都好少做。有男仔慘情到話同同居女友做嘅時候根本就射唔出。其實我又明嘅,對住咁多年,可能已經當左對方係屋企人,冇乜愛情感覺可言,更加莫講話激情。同居仲要朝見口晚見面,大家生活多磨擦,又見到晒對方嘅生活陋習,根本冇晒幻想空間,起唔起到機,同射唔射到都可能真係一個問題。

至於有老婆嘅男人,我聽過有個係同老婆結咗婚十幾年,夫妻關係唔係幾好,但為咗仔女就勉強維繫關係,其實喺屋企已經係分房訓,所以男人為咗解決需要就自己出去搵食。聽落都幾合理呀。反而有一個令我覺得驚訝嘅係只係新婚幾個,佢話同老婆各方面都好夾好開心,只係佢自己需求太大,老婆滿足唔到佢,所以就自己出嚟搵食。聽到呢啲故事,令我反思究竟婚姻嘅意義係咩,係連繫抑或係約束?係俾機會你信守承諾抑或係背棄承諾呢?

其實有時我會懷疑我係太重視承諾,所以唔會輕易向人承諾任何野,包括投入一段有責任嘅關係,因為我無信心我會背負到一段專一、忠誠嘅關係,亦都無信心有人會為左我去背負一個責任同承諾,所以就選擇左而家呢種「毫無關係」嘅關係模式。講真我已經無愛情生活,點解我要放棄埋性生活先?滿足唔到心靈都起碼照顧下肉體需要呀!哈哈!

 

作者:萬忽瑪利亞

萬忽瑪利亞
搵個人去愛太難,搵個人做愛易D。

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 191378
Date: 2019-03-20 00:14:29
Generated at: 2020-09-28 16:51:49
Permalink: https://www.vjmedia.com.hk/articles/2019/03/20/191378/只是發生性關係的關係,其實根本沒有關係