你 in charge girlfriendable 嗎?

 

如果你想知你朋友,你senior 係咪girlfriendable,只要佢in charge 個project 或者engagement 就知道得好清楚。

不同的女生,有不用的in charge 方法,有啲係高壓,有啲係輕鬆,有啲係無所謂,有啲係表面笑笑口,但實質插你一刀,千其唔好以為佢對工作同對愛情係唔同,因為人嘅性格係好難變。更重要對上司你會媚上,但你唔會媚下,所以睇一個人嘅本性,最好就係睇佢對下屬嘅態度。

如果你嘅in charge 對你採用高壓嘅手段,例如要每日監控全team 的進度,你每日做咩task,又完成左咩task,你每日嘅milestone 都要每日day end 前update 佢。佢唔止要你做晒啲工作,仲要求你follow 佢處事方法。所有email 都一定要CC 佢,俾佢可以完全掌控你同client 嘅對話。當然佢最鍾意就係出q q 爆你,等佢有種自我嘅優越感⋯⋯

所以,你完全可以feel 到如果佢係女朋友,佢一定會掌控你的人生,監察你每一個細節,返工同邊個同事食飯,放工去左邊,仲咩咁耐唔搵佢,你每一個whatsapp 佢都check 得一清二楚,你拍拖就好似坐監咁,好唔好?errr 見人見至啦,畢竟有啲人係鍾意俾人管⋯⋯ 有人覺得俾人管先係愛嘛。

有一種in charge 佢對你採用放任嘅態度,只要你限時完成所有事就得,你幾時返工,點樣做,佢一啲都唔理。平時佢會同你講下笑輕鬆下,佢覺得無論點都要做嘢,不如返工返得開心啲。而且,係長工時之下,你要下屬服你,要佢地乖乖認真OT,都只得一個方法,就係收買人心,不然即使下屬表面服你,佢地思維上都作反啦,deliver 嘅work 都唔會好。

如果佢係女朋友,佢呢種懷柔嘅方法同高壓方法,明顯迥異。因為佢着重收買人心,佢要你係真心想幫佢做嘢。做女朋友,佢會放多啲心思去了解男友嘅內心,因為了解一個人內心,先知道應該用咩方法去取悦男友。同樣想得到一樣嘢或者禮物,佢就會温柔好多,畢竟男人係受軟唔受硬,何必同男友硬撞硬,說話亦婉轉好多。whatsapp 佢一啲都唔check,check 嚟有咩用,如果你男友真係愛你,你洗怕其他異性。

有一種in charge 表面就笑騎騎,但係背後就插你一刀。表面上佢對你好好,又nice 又肯教,但其實佢好小氣,你好容易就會激嬲佢,但最慘佢唔同你講佢嬲,而你又keep 住咁樣做,之後佢就會係背後講你是非,但就算點樣,佢此終都係笑騎騎。

如果佢係女朋友,明顯就係表裡不一,佢明明就係嬲,但就死口唔認,不停話自己無嬲,到最後你就係不斷都要氹佢,不斷要認錯。因為佢真係太唔誠實,你又唔知幾時會激嬲佢, 所以每日都如坐針氈,因為你知道佢長期都經期延長。

本文並唔係要踩底某種類型女友,又抬高某種類型嘅女友,畢然有人係鍾意俾人管,覺得唔管佢就係唔愛佢,有人係鍾意女友小鳥依人啲,有人係鍾意每日打打鬧鬧咁過日子。

工作久了,開始明白你要了解一個人嘅本性,最好嘅方法就係睇佢對下屬嘅態度,佢可以媚上,但佢唔會媚下,不少人對下屬呼呼渴渴,以為自己俾你高級少少,連基本嘅尊重都無,以為你下屬努力工作係應份,但我想講我份人工係唔包OT 架⋯⋯

即使你每年升職,都不要忘記初心,你係想get the job done,而唔係搞辦公室政治⋯⋯

 

 

作者:FAKE 文青

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 191441
Date: 2019-03-21 06:19:05
Generated at: 2020-06-04 23:22:00
Permalink: https://www.vjmedia.com.hk/articles/2019/03/21/191441/你-in-charge-girlfriendable-嗎?