你條仔當日搞到你下面流綠色野,佢扮下死狗,你就原諒佢?

 

水姐今年三十三,仲未結婚既。男人呢,都叫做見緊幾個咁啦。

成日都聽啲姊妹講,話女人結婚先係出路。

我睇住佢地,個個結左婚之後,個個星期日,都冇左自己。唔係湊仔,就係扮家庭樂見老爺奶奶。明明果兩隻老鬼,冇咩學識冇咩深度,係生左個仔出黎有條啫,就係度也文也武。啲姊妹呀,都對佢地冇感情架啦。點解要扮晒家庭樂呢?真係唔明既。

再唔係呢,就得閒怨啲男人。話個個男人,過左羅湖橋之後,就個個冇人性。咁梗係啦。你結左婚之後,執又唔執,剪個短頭髮,對波就dump 晒落黎,邊個想除你件衫呀?分分鐘你除左衫之後,想你著返佢啦。

所以水姐我,一星期點都要做三次高溫瑜珈,點都要倒下立,對波先唔會dump 落黎架嘛。

點解要keep 住自己?就係唔想妥協囉。好似我個姊妹阿梅咁丫,明明中學果陣又靚身材又好,搞到DBS 果幾隻狗公氹氹轉。英文又好,考試又叻,考左入HKU,讀埋law 啦。

最近,為左結婚,千揀萬揀,揀著個男仔,做老師,做左十幾年,都叫搵八、九萬個月啦,點知條仔睇起上黎斯斯文文,原來中意返大陸嫖,最後仲搞到阿梅惹埋性病,搞到個妹妹一點點綠色野,剩係講都覺得有味啦。

阿梅咁梗係喊苦喊忽啦。堂堂大律師,拎hermes 著chanel,要去睇性病啵。你估香港真係咁開放呀?你一有性病,就以為你做雞啦。水姐見到佢,咁都有少少可憐佢既,但係,個男人話唔用套,你就唔用架咩?你冇腦架?香港既性教育,真係失敗到極點。

好啦,生到個妹妹咁多點點啦,水姐以為阿梅會識醒啦?點知呢,阿梅唔知痴左邊條筋,硬係覺得自己呢個係最後機會,唔嫁佢就呢世嫁唔出。又唔係搵唔到錢,係周圍既人話要結婚要結婚,就好似一定要結咁。你話係咪痴線?

男人既野,一次不忠,百次不用。信錯人,真係唔緊要,但真係要識抽身。有邊個女人唔會因為貪靚仔而中過一兩次招。但真係記住,香港男人,靚仔既係仆街,唔靚仔既就分分鐘更仆街。尤其是果d 扮老實,話同你和好如初,叫你原諒佢七十個七次果種,就肯肯定係仆街中既仆街。呢啲男人,你信佢一次,兩次,真係唔緊要。但唔該,唔好性病又惹過,家暴又食過,仲要返返去呢個男人身邊囉?話晒都HKU 畢業,話晒果陣A-level ue 都有A,做乜女人要咁蠢既呢?

 

我笑到噴水呀喂~ 大佬,我以為改圖呀。

健吾發佈於 2019年3月26日星期二

 

作者:水姐

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 191692
Date: 2019-03-26 23:20:44
Generated at: 2019-06-20 04:10:52
Permalink: https://www.vjmedia.com.hk/articles/2019/03/26/191692/你條仔當日搞到你下面流綠色野,佢扮下死狗,你