我有個姊妹做化驗所日日出bonus:「呢幾年啲大陸人來打疫苗一擲千金唔講價,好好禮貌又大姐又感謝!」

 

公共衛生呀防疫呀呢啲嘢,我地呢啲女人仔唔識咁多,陳肇始話乜嘢社區防禦率好高呀咁,其實老娘都唔係好聽得明,不過算,唔識就無得同佢拗,所以即刻google 下。

所謂社區防疫能力,即係我地成個香港有幾多百分比嘅人打左某一隻傳染病嘅疫苗,如果好高,例如99.8%咁講啦,咁萬一有一個病人入左來,由於佢喺我地呢度,遇到嘅人每一千個得兩個人無防禦力而惹得到,佢呢隻病就無咁容易感染到呢度嘅人,到佢好番(或死亡)而喪失傳染能力嘅呢段時間,都遇唔到任何人俾佢傳染嘅話,就即係呢個社區成功咁防疫,換句話講,連嗰0.2%嘅人都受到保護。

而呢個疫苗接種率越高,社區防疫能力就越高,因為外來病人能夠惹到本地人嘅機率低嘛。

香港嘅防疫係好先進嘅,我地自細都打齊曬啲主要傳染病嘅疫苗,諗返起啲小學同學嘅喊樣,都幾sweet 丫。

呢排聽人講,一日有百幾個大陸人來香港,二十年來百幾萬咁話,哇嚇死人咩。不過睇番大陸自己講,佢地麻疹嘅接種率係90%,聽落好似都唔錯丫?咁就算好多大陸人來香港定居,都好似唔會削弱個社區防疫能力?

女人仔唔拗呢啲啦,大陸數字你鍾意信咪信。

之但係,我有個姊妹,佢做化驗所,個個禮拜現金出bonus,好關照我架,仲請我high tea。嗰日我問佢點解間嘢咁好賺?佢話呢幾年啲疫苗,藥廠香港分部都唔夠貨架,佢地要自己歐洲訂架,即係咩呀,行貨唔夠,要入水貨針,乜人打咁多疫苗?香港人呀?你都痴線嘅,我地由細到大乜都打曬啦,佢地間化驗所,玩微信公眾號,宣傳有得打疫苗,啲大陸人專程來香港去佢地度打針,個個都好好禮貌,絕對唔係你地啲loser 成日話大陸人咁粗魯呀,老娘梗係明啦,佢地去到呢啲生死關頭,大陸入面啲疫苗都信唔過,來到呢度知道呢間野可以救佢同埋全家一命,仲同你鬥惡咩?

佢話佢呢啲做前台嘅,唔洗sell 架,班大陸人,係自己問佢地,而家here and now 有乜可以打,「我。們。全。部。都。要。」「全部都打需要這個價錢?可以嗎?」「沒。問。題。」然後就數銀紙了。香港啲客就幾百蚊都嘈嘈嘈,我個姊妹話佢地都無你咁好氣。

同佢啱啱whatsapp 講,剩係今日都打左百幾支麻疹。你地啲香港人慢慢驚啦。

不過大家唔洗問我姊妹喺邊度做,你地想打疫苗都無得打尖,因為佢就快轉去第二種化驗所。

anyway,大陸人對香港疫苗需求咁殷切,然後你話呢二十年來,大陸來香港嘅新移民,佢地麻疹疫苗接種率係九成,嗯,係呀?我諗吓聽日去邊度tea 算。

 

作者:容嬤嬤

容嬤嬤
總編就梗係可以任開分身,開多個扮女人唔得咩?

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 【真人真事】嗰日,朋友扑咗個黑警… by 都市女子日常
    情侶情到濃時緊係扑嘢啦,點知呀警察叔叔第一次淨係硬到一下,之後都軟過軟雪糕,搞咗好耐,連個套都鬆埋出嚟。…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 陳法拉呢種女人,蘭桂坊無一萬都幾千 by 庵念慈
    陳法拉就是那種中國出生、家裡略有關係二代,去外國走一轉再回流到香港,口裡的普通話和英文都是有難聽的捲舌音,住在美國卻罵美國總統的甚麼不是。…
  • 老蘭嘅初夜 by SAZI
    我記得第一次去蘭桂坊係喺2011年,已經係九年前嘅事。仲好記得第一晚去蘭桂坊時候嘅衣著,藍色書包杏色闊腳褲藍色花紋T裇,總之唔係可以稱為「戰鬥格」嘅裝束,好似白癡咁鑽入威靈頓街間T字頭O字尾嘅酒吧入面,入到去全部都大過當時嘅我至少十年,全部…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
歡迎讚好我們的facebook page,免費資訊源源送上。

文章資訊

ID: 191782
Date: 2019-03-27 23:35:12
Generated at: 2020-05-30 02:51:23
Permalink: https://www.vjmedia.com.hk/articles/2019/03/27/191782/我有個姊妹做化驗所日日出bonus:「呢幾年啲大陸人