有錢大陸男 vs 冇錢港男,你係港女,你點揀?

 

水姐都三十幾,好多時候都會同啲年紀比自己細既男仔去街。有時呢,幾時先會keep 見多幾次,幾時會做一次就收皮呢?梗係佢食飯果陣,玩唔玩電話啦?

阿姐我花時間同你食飯,明明食完飯都搞野架啦。如果你同我食飯果陣都要玩電話囉,咁即係你覺得我冇個電話咁吸引啦?咁你返去玩電話啦?

不過又咁講,如果佢好似郭子豪咁,又大隻又好身材又靚仔既,咁水姐都可以忍一忍既。冇計啦,而家啲細路,細個食電子奶嘴大架嘛。你叫佢唔好玩電話,你不如叫佢去死啦。所以,我而家既策略係,比我大既男人,你同我食飯果陣,要撳電話,要覆message。我fine。因為你日理萬機。但如果你細過我既,我估你唔會唔聽一個電話冇幾百萬生意架啦。咁唔該,你好好地同我食完餐飯。我講一次,你唔聽,即係你唔覺得緊要啦?咁ok啦,可以out。

我勢利?係,我係勢利。好過我個姊妹Isabel丫。Isabel 而家有兩隻兵,一個呢,就係聽講係北京少爺之一,同佢出親街,都好似要畀全世界知道佢地做咩咁。唔係影相上微信朋友圈,就係拍抖音。但佢唔係拍佢出黎畀人見,而係拍自己。不過Isabel 就話,因為佢有錢,又次次都同佢去曼谷、LA 旅行果陣都送Hermes 畀佢,所以先忍佢啦。但係香港,另外果隻呢,其實都唔算太差架啦。有六呎高,廿八歲仔有六、七萬個月,都叫靠自己丫。而最重要既,就係你叫佢做咩就做咩,你話要去LA 玩佢問都唔過問,你返黎香港要佢陪你食飯睇戲,佢就隨傳隨到。但Isabel 上次話,發佢脾氣,係因為佢同佢食飯果陣,玩電話,睇嗰啲政治廢文啵。咁又係幾抵嬲既。阿姐你同我食飯玩電話都算啦,仲要係睇政治廢文,於是Isabel 就拍檯走左啦。

不過又咁講丫,如果個唔係京城大少,你估Isabel 會忍佢咩。人望高處,水往低流。你係香港,唔搵個有錢佬嫁,你估個個好似水姐咁靠自己買Hermes 咩。所以呢,唔好成日話啲港男睇唔起啲港女,姊妹都係咁話,有錢既人既人同冇錢既人,做同樣既事,真係有分別架。

 

在3月27日於香港公開大學進行的「L.O.V.E. in F.R.A.M.E.S. 大專巡迴分享會」中,發生了一段小插曲,陳奕迅被同學表現弄得黑着面,令分享會在尷尬氣氛下結束。分享會流程是先播放「Eason and The DUO…

紫沙發佈於 2019年3月27日星期三

 

作者:水姐

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 191849
Date: 2019-03-28 19:31:06
Generated at: 2021-10-21 21:47:49
Permalink: https://www.vjmedia.com.hk/articles/2019/03/28/191849/有錢大陸男-vs-冇錢港男,你係港女,你點揀?