純情少婦確診梅毒,老公:「我返煤氣公司惹梅毒有乜咁出奇?」

 

 

各位姊妹,做女人最大鑊就係被人話你蠢,蠢西蠢西咁,幾難聽?

其次呢,就係唔好被人鬧臭西,隔離嗰個偷聽到,都掩鼻啦。

兩樣加埋呢?我有個護士姊妹就遇到一個. . .

 

佢話有個少婦,二十幾歲,因為下體生左好多粒粒來睇性病,驗完睇報告嗰日,帶埋老公來。

醫生:「太太,化驗報告顯示你中左梅毒呀. . .」

護士姊妹:「我地一般都建議,先生最好都一齊驗,一齊醫啦」

姊妹形容,個純情少婦當下一臉茫然,而佢就留意到個老公個樣慌慌張張. . .嗰一刻嚇到唔識俾反應。

而下一刻,老公竟然率先發爛:「咩一齊驗呀?!我無嘢喔!」

護士姊妹偷偷地同我講,佢心諗,屌你老母啦,你老婆得你一個性伴侶,唔係你傳俾佢,唔通佢塊西自己識生嘢嘅?但專業護士梗係唔可以當住病人講呢啲啦!

純情少婦呢個時候開始眼濕濕:「老公要一齊驗架?」

下一句佢就喊埋:「老公,係咪你傳染俾我架?你有性病??!!你快啲講喺出面做過啲咩對唔住我嘅事!」

個老公竟然話:「咩性病呀?我返煤氣公司,有梅毒有乜咁出奇?醫生你唔好亂講野,係咪你報告出錯?」

姊妹心諗,讀左咁多年護理病理生理,都無讀過原來梅毒係會咁快上腦. . . . . .

醫生好鎮定好專業:「先生,你唔驗都最好俾太太接受治療. . .」

老公繼續發爛:「治咩療呀?!我地而家就走!個醫生都痴線!我地返屋企!」

純情少婦又跟佢老公走嗰下正……

 

護士姊妹話,最希望純情少婦可以自己返來複診啦。

梅毒係非常嚴重嘅疾病,由病發初期會有一粒粒,其後有啲紅斑,再之後會完全無曬病徵,恐怖之處係,隔幾年之後會入侵腦部脊髓而致命!(請參考家計會

梅毒會致命!

梅毒會致命!

梅毒會致命!

(好緊要講三次)

 

老娘去到呢啲位,真係可憐佢多過想mean 鳩佢,純情少婦你老公唔係來睇報告都唔知佢搞到你變臭西?住埋一齊但到病發佢都竟然唔知?佢根本一早喺出面玩夠食夠,返來一年半載先搞你一次咁大把。

啲男人過左羅湖橋,啲血就去曬下體唔上腦,叫雞叫到唔戴套,仲要返屋企惹老婆,點解呢個世界有咁嘅賤人?就係因為呢個世界有蠢女人!

做女人,最緊要識保護自己。

唔好搞到自己無得揀,揀著個唔識保護你!

 

作者:容嬤嬤

容嬤嬤
總編就梗係可以任開分身,開多個扮女人唔得咩?

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 191883
Date: 2019-03-29 13:33:44
Generated at: 2019-12-13 06:01:07
Permalink: https://www.vjmedia.com.hk/articles/2019/03/29/191883/純情少婦確診梅毒,老公:「我返煤氣公司惹梅毒