【嗚巴軼事】輸入正確落車地址係乘客嘅責任

 

 

今晚係「法國醫院」接咗個客,兩位南亞裔女士(M小姐)同佢阿媽,目的地係去尖沙咀加拿分道(不含門牌)。

上車之後一路相安無事,兩母女就係後座用佢哋啲話係度「嘰哩咕嚕、嘰哩咕嚕」(筆按:我都幾討厭啲人用啲我唔識嘅語言係我身邊講嘢,冇原因,純粹唔鐘意;日文及歐洲語除外,利申識少少日文)。一直去到金馬倫道都冇咩問題,直至轉右入咗加拿分道(厚福街對面),阿M小姐先話「唔係呀,轉左先啱呀」,我話「小姐,加拿分道喎⋯⋯係呢度喎。」佢跟住就話唔係,佢要去左邊,跟住仲不斷重覆「你都冇問我」成四五次。咁我同佢講「小姐,你點地圖去加拿分道。我就跟你俾嘅地址行嘅。一係咁啦我兜返你過去,咁可唔可以?」咁佢話好。

而係呢個時候,剛好又響枝柯打,枝柯打係尖沙咀彌敦道頂好酒家接客。還好駛經頂好酒家嘅時候個客剛剛到仲向我揮手示意。先可以乘機借有另一個柯打黎掃呢兩母女落車。順便俾個「一星」。

又要係度做吓免費教育。麻煩叫車嘅時候輸入詳細嘅地址,哪怕係門牌號碼定大廈名稱,因為一條街有街頭,亦有街尾,清楚而詳細嘅地址係有助準確咁送你去目的地。另外,有咩特別要求(exactly 邊個位落車)唔該主動啲講,雖然本人平時做法係去到地圖所示位會問一句「係咪呢度落?」,但作為要去目的地嘅你,你有責任事先講清楚。我唔係你肚入面條蟲,亦唔係讀心神探。

講清楚、講清楚、講清楚(要事講三次)。

 

【嗚巴軼事】

 

作者:車上人間

一個男人一架車,見盡香港人和事。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 191970
Date: 2019-03-31 05:57:28
Generated at: 2021-12-09 06:48:09
Permalink: https://www.vjmedia.com.hk/articles/2019/03/31/191970/【嗚巴軼事】輸入正確落車地址係乘客嘅責任