去滾你就咁開心,要驗性病全餐又怕人地知你驗愛滋?

 

 

之前水姐有個姊妹阿梅,畀個老公搞到下面流綠色野,都話個男人係好人,係唔小心,係自己衰。話如果平時多啲同佢搞野,就唔會畀個男人出去搵食。個男人唔返大陸搵食,就唔會搞咁多野。你話香港有幾多女人,好似呢個姊妹咁痴線丫?你以為件事會完啦?未呀,原來仲有下集呀。

阿梅發現自己中左招,咁梗係去醫去驗啦,唔通由得佢一直痕,啲綠色野一路流出黎咩?跟住呢,醫生就叫阿梅同埋佢老公,驗埋其他野啦,好似梅毒,疱疹呀咁啦。喂,梅毒會死人架,咁當然,順手,你都要驗埋愛滋啦。點知,今次阿梅個老公又黎料啦,話:「你痴線架?我又唔係基,驗咩愛滋呀?俾人知道我驗愛滋,啲人當我基佬點算呀?你係咪痴線架?」

原來,係阿梅心目中,驗愛滋=認左係基佬。而當然,如果你驗到有愛滋,就好似衰過有梅毒同淋病咁。

阿梅果日仲喊住咁同我講:「如果畀人知道我有愛滋,有邊個會同情我呀?如果唔係真係有病,我死都唔會去驗呀?你估嗰啲叫人驗愛滋果啲人,係為人好咩!?如果我驗到有,邊個會幫我呀?我老公肯定同我離婚,我又唔講得畀屋企人聽。我屋企人一定叫我分檯坐,用公筷食飯啦。你叫人去驗,人地驗到有,有邊個會幫呢啲人呀?冇呀!香港唔會有人可憐呢啲人架。」

水姐睇住阿梅,我心諗:而家係咪係香港呢?香港人,搵咁多錢,個個成日去旅行,又話自己見多識廣,性病性知識性教育呢啲,樣樣都唔掂。仲要畀啲無知識既人去歧視啲有知識既人,將啲冇因果關係既野擺埋一齊去攻擊人。好似有愛滋=濫交,有性病=出去搞搞震咁。香港人呢?黃子華話,最中意就睇人仆街,你將道德高地條底線射到高一高咁,自然就會好易仆街啦。所以,阿梅驗左啦……冇事,但心靈就似乎傷害得好緊要。睇黎都係因為呢個香港,蠢人太多,真係有腦既,喺中環,都係少之又少。

 

作者:水姐

閱讀後覺得好,請多多讚好及分享~:)

其他熱門文章

  • 【遊戲新聞】開放世界大型喪屍生存遊戲 《The Day Before》定於 2022 年 6 月正式推出 by 神婆
      由俄羅斯遊戲工作室 FNTASTIC 開發的開放世界大型喪屍生存遊戲 《The Day Befo […]…
  • 麥兜與建制甜頭 by 竇蓉
    不知從何時開始,本土就等於講粗口,相比之下,謝立文、麥家碧的本土是溫暖而詩意的,搞笑但不粗鄙,浪漫而不離地。講起最初,麥嘜在《明報周刊》面世,繼而過檔《星期天周刊》旗下《黃巴士》的時期,只是一個中產家庭的寵物,故事圍繞四口之家和一隻小肥豬生…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 男女都要返工,點解淨係女人要做家務? by 小盛女
    唔知點解好多人都仲係覺得女人就一定要做家務,而家年代唔同咗㗎喇,好多女人結咗婚生咗小朋友都要返工,唔再係以前嘅全職家庭主婦,大佬呀放工都攰到死啦,做少陣家務會死咩?…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 192094
Date: 2019-04-02 22:34:15
Generated at: 2021-10-22 00:05:10
Permalink: https://www.vjmedia.com.hk/articles/2019/04/02/192094/去滾你就咁開心,要驗性病全餐又怕人地知你驗愛