快樂抗爭——政局無力,飯總要食

政治 / 最新文章綜覽

 

 

正所謂「留案底會令人生變得更精彩」(楊岳橋,2017),雨傘運動解散,佔中九子嘅官司就係雨傘僅餘嘅餘波,相信過多一排判刑之後佢哋人生一定上另一個高峰。

社交媒體好多數據可以睇,好似我地呢啲搞網媒嘅就梗係要知道咩嘢最多人鍾意睇。但係呢啲數據,就好似引人入去迷宮咁,唔通我會以為like 真係呃到飯食?搞網站梗係要click 先有廣告費。

但係香港班政工作者咁多年來都樂在其中。

無錯呀,飲飲食食好多人睇,同樣,是非多人睇,搞寵物多人睇,然後,你班政工作者覺得要多人睇,然後就湧埋去搞飲飲食食同埋講人是非,到最後,佢地迷失左,唔記得左政工作者最緊要嘅係,選舉年要有選票,非選舉年要有民意。

我唔知道吳文遠有幾憎黃浩銘,佢以前開口埋口柒銘柒銘咁,我諗呢啲都係發牙痕講下笑,但係佢喺黨友被判刑之前一日先玩登報鬧梁振英,我就估佢地感情一定唔算好,否則要籌款登報,都不如呼籲啲人去法院聲援?畢竟政治犯唔係需要司法還佢地清白,因為佢地本身就係需要違法達義,然而呢個義舉,係好需要群眾嘅認同。

有like搶眼球係可以reach 到人,但係呢個接觸到,是否代表可以轉化為支持?是否可以轉化為選票?登報玩膠,俾錢你嘅係鐵粉,欣賞你嘅係忠粉,幫你登嘅係民主偉人黎胖子大報,呢啲需要轉化咩?唔鍾意你嘅固然覺得你又一事無成搵嘢玩,好似我呢啲hater 就更加好似餓狼見到獵物一樣撲上去,然後我又識兩隻字講到你真係好垃圾,件事搞到咁,支持度會升?會有票?黃浩銘會唔洗坐監?佢坐監會變得有意義?黃浩銘會升lv 做曼德拉?

建制派成日話,反對派都係搞亂香港然後呃錢,呢句嘢我聽完唔會信,我只會信自己睇到嘅嘢。想贏嘅人唔係咁,想贏嘅人係好清楚,要達成乜嘢目的需要行去咩方向。要達成搗亂同埋呃錢嘅目的,我就見到,想攞個政權返來?咪玩啦,連劉慧卿今日都飲飲食食了。

真好。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 192281
Date: 2019-04-09 16:43:38
Generated at: 2020-02-21 23:42:14
Permalink: https://www.vjmedia.com.hk/articles/2019/04/09/192281/快樂抗爭-政局無力,飯總要食