如何以「色情消費」辨別中產與資產階級

 

好多中產住私樓,近朱者赤就誤以為自己係資產階級;因港幣與美元掛鉤,導致香港中產長期以為自己收入偏高(的而且確 好多較落後地區,月入幾皮已經係地主階級)再加上華人社會,強調中庸之道,有錢人同窮人,都會四圍同自己講「我係中產,我係中產…」令到階級差別被模糊化,不利社會健康。

咁今日,我又用一個咸濕消費享樂嘅例子,去提出一個在21世紀,較有效辨別資產階級與中產及無產階級嘅具體方法,畀大家參考下。當然亦有好多資產階級人士,克勤克儉, 所以呢度講緊「有冇能力」 而案例中「有咁做」既係其中一部分。

好簡單:嫖妓係無產同中產階級既消費活動;包養情婦先係資產階級有資格玩。商業模式上嘅分別係,做雞係一個供應商對好多個客,係靠規模效益 economies of scale 先製造到高過正常人既專業人士級收入,俾一個服務提供者,提供特殊服務。這是正常人間賤民嘅經濟活動。

資產階級係講緊,你有能力 full time 包養起條女,剩係畀你上。 原則上,你收入多過你國專業工種人均收入兩倍, 其實就已經夠做( 一份自己食,一份養條女) 當然,更多中產嫖家,會寧願每個月,分十晚砌十條女,或者五晚每晚砌兩條女,會覺得同樣有限筆直,買到既快感總量較高 – 咁即係窮啦!就係咁簡單。

含糊的地方係,上述理論講緊,你要在你經濟體內,full time 養得起多過一個 headcount,純粹要來為你享樂。 娶個煮飯婆做家庭主婦唔算,因為佢有喺屋企從事生產活動。好多少婦嫁個「年球人 」自我感覺良好, 但都要湊仔同管理個工人,所以佢地其實都係要從事生產,只係冇用市埸機制,去交易同計算生產市值。

另一個中產呃自己既位,有個好例子,就係例如中銀,早排真係有個走去「鹹濕女下屬」 出咗事既中層阿叔。 如果佢有能力 full time出糧畀嗰條女,淨係畀佢砌,咁就算係資產階級。 但首先佢畀唔起呢個價,係條女平日要從事銀行生產活動糊口,而阿叔再挪用公款升佢職。而且條女後來發難,即係同阿叔根本只有君子協定,砌住先,阿叔再濫用權力升多佢幾次職,補番佢提供特殊服務條數。 當然後來補唔到, 就是大家耳熟能詳的故事了。

許仕仁包養嗰個離婚上海空姐 ,就較難定義。 根據法庭資料(理論啦,不一定 100%係真相),嗰位上海空姐,雖然 只係偶爾嚟香港,收家用陪阿許生,但佢又好似冇其他收入,亦冇其他「服務使用者」。假設佢收入來源單純來自許仕仁,而今時今日上海亦唔係便宜過香港… 正如佢其他功過一樣,呢個傳奇黎,好難分類。

換一換埸景,例如英國皇室有御用醫生。咁個醫生平時係唔會睇街症嘅,所以皇室咪資產階級囉。然後你 2008年都仲未撻死既果班「有錢佬」,有病拎得出幾廿萬住養和,算唔算富貴啊?你咪問下佢,個醫生係咪 full time淨係服侍佢一個?係佢就係資產階級,唔係就中產。技術上即係進階既賤民。 類似嘅理論就係「 香港地有車唔係有錢人,有私人司機先係有錢人」。

當然,全球化令你喺香港求其打份騎呢工 ,去秦國柬埔寨,或者90年代嘅大陸, 都可以包養情婦,即係「土皇帝」階級。所以你份工行得開,生產模式有地理自由,係會容易左達到「有閒」資產階級既境界既。 不過我想說的是,三千世界。例如你去非洲見到個人話自己係酋長,或者蘭桂坊見到個好串嘅鬼佬。你計到佢一年收入銀碼(以港幣-美金算)低過你,要唔要根據香港鄙視鏈,去鄙視佢?

好簡單。就睇下佢有冇能力係佢搵食既地方,全職養人,剩係負責提供快感俾自己。 有佢就係資產階級,冇就係中產或無產。 呢套理論,當然不完全準確,但起碼希望俾到大家一個簡易既模型,去學會尊重唔同文化之餘,亦冇咁易畀外邦人隨便拋到浪頭。

 

補充:

正如非洲酋長同好串嘅鬼佬,我呢個計算方法, 係平衡咗幣值誤差,同埋好多難以計算嘅非物質 、文化、社會資本: 例如你後生靚仔,冇肚腩冇甩頭髮,中小學又好多師妹。咁可能兩皮已經包起到條女。 而同樣嘅服務,類似中銀嗰個阿叔,可能要五皮先做到,因為佢冇後生靚仔咁多文化資本。Anyhow 包起到條女就係包起到條女嘅階級。你話GDP數據冇用,我呢個就放諸四海皆準。

 

 

作者:技術官僚主義者

技術官僚主義者
讀政治經濟學出身,其實對時事冇興趣,入行純粹因為比較好搵

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 192291
Date: 2019-04-09 22:52:13
Generated at: 2019-06-24 20:50:21
Permalink: https://www.vjmedia.com.hk/articles/2019/04/09/192291/如何以「色情消費」辨別中產與資產階級