衣著暴露被強姦,責任誰屬?日本學生妹的啟示

 

台灣現代婦女基金會調查指,65%民眾認為「女性如果行為表現太開放、穿著很辣、喜歡進出夜店等,應要承擔性侵風險」。呢個當然係謬誤,等我用「 穿著很辣 」日本學生妹嘅例子解釋畀你聽。

眾所周知(其實冇人知)我細個去過日本留學。係某大城市來的。當年嗰邊啲學生妹,衣著就好開放嘅。我去嗰時(估下係幾時)係流行著格仔bra,令個bra透過白色校服恤衫,若隱若現時,個胸更有立體感。校服裙長度,則各間中學嚴謹度不定,但常見做法,都係放學拉高啲條裙,有啲直情拉到上心口tim,咁大髀就可以露曬出嚟曬太陽。果陣時坐痴漢電車返學放學途中,見到小褲褲或冇著小褲褲,都係正常現象,日日都有,見慣不怪。

咁,見到暴露同「想強姦是合理」 有甚麼因果關係? 我嗰陣作為一個小朋友,已經與同學討論過一個問題,就係點解咁多日本學生妹,日日放學都會在街上俾我睇胸圍同小褲褲?當你日睇夜睇完一大輪,就會明白到,佢哋只係想畀佢哋想畀嘅人睇,而唔係想比你睇。只不過係順便比你睇到, positive externalities 嚟啫。 瞓啦7頭。

好多年後,返到香港,收到風,知道有時都有啲小朋友,走去一樓一撳鐘仔, 然後冇錢冇嫖冇幫襯, 純粹呃女昅。兩者係有類似嘅:如果姐姐一早知,㩒鐘條友銀包直情紅衫魚都冇張嘅,莫講話著返衫先開門,直情樣都唔畀你睇啦。只不過嫖妓同拍拖呢啲嘢,講緣份㗎啫,防得你啲運桔友都曬心機。咪順便畀埋你睇囉。 當年嘅日本學生妹,同其他 「 穿著很辣 」 既女背後個由衷,可能都係類似。

此其一。其二就當然係刷收視率、存在感啦。呢個去夜場更加明顯。 點解今時今日,蘭桂坊clubbing都可以執笠, 商業模式個問題在於,你喺度玩燈暗,玩未知,玩 「發展(一夜情)機遇」, 最後儲到乜嘢熟客,之前已經講過,就係唔太正嗰啲女,晚晚落嚟同你un。 然後又ladies night 呢樣嗰樣,un 得最落力,來玩得最多嗰班客,本身又冇幫襯嘅,靠啲仔買檯開酒。係呀羊毛出自豬身上,你最威。咪又係死路一條,而家唔告性別歧視都執哂啦。

但講到尾,其實原文果啲都係偽命題。今時今日,香港同台灣強姦犯罪率,都唔係特別高或穩步增長中。畀你係李梓敬「假難民」乜都好,犯案率高既群體,通常犯其他罪嘅率都高,即係「邊緣人」。所以實際情況,「 穿著很辣 」d女遇到的真正危險,同你班賤民點諗,基本上係完全冇關係。所以結論前面都講咗,就係,瞓啦7頭。

返去講多少少日本學生妹。 我研究咗好多個月小褲褲之後,亦見到另一樣野(喂果陣十幾歲炸),就係越好樣嗰啲女,露得越少。反之亦然。反而係果陣有位女同學, 係識講英文既肥妹來,冇乜人理佢的。 然後成咗年之後, 上facebook睇返,佢已經變咗人見人愛嘅大波妹了。周顯話肥妹係潛力股,咁但:如果以前女同學仲係肥妹時,已經有仔溝,佢仲會唔會減肥,28歲正過18歲,變成今天的索樣呢?呢層就真係愛因斯坦都答你唔到。

 

 

作者:技術官僚主義者

技術官僚主義者
讀政治經濟學出身,其實對時事冇興趣,入行純粹因為比較好搵

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 192426
Date: 2019-04-12 04:35:05
Generated at: 2019-04-19 13:13:10
Permalink: https://www.vjmedia.com.hk/articles/2019/04/12/192426/衣著暴露被強姦,責任誰屬?日本學生妹的啟示